" فواصل من هنا وهنـاك " 
( 1 )
" حبيبتي " الريــآض
مدري علام الرياض اليوم مرتبكه
كن القلق ينتثر فيها ويجمعها .. !
ما كنها إلا عروس ً ليلة الشبكه . .
كل ما ذبحها الخجل عضت أصابعها
أو كنها طفلة ٍ لهروجها حبكه ..
تضحك لأبوها وابوها ما يدلعها !! 
الرياض وما أدارك ما الرياض 
؟
هي المدينه التي رفضت كلمة العونسه
بين جميع " فتيات المجتمع " السعودي !
هي من تغزل بها البدر ذات ليلة
ولم يكتفي بالتغزل بها !!
بل وصلت به الجراءه
الى اخذها بـ" يدّها " وذهب يمشي بها
كالعريس والعروسه ليلة الزفاف !!
هي العاصمه وكفى !
عندما نقول بانها العاصمه فهي حتما ً
ليست مجرد مدينه ( عابره ) .. !!
نحبها
في حرها وفي بردها
نحبهـا
من قدهــآ ؟
.
.
والله إني يوم أقفي عنك يالرياض 
يضيق صدري والنفس تصير مقهوره
وأسمع " قلبي تولع بالرياض "
وأجلس اردد بصوتي مع أبو نــوره
..
ياللي من الناس تكلم وأنت مغتاض ؟
وتشتم الرياض وتسب بزحتمها 
تدري وش ؟ أكبر فخر للرياض
يوم الله جعل سلمان أمير ديرتها ّ
..
( 2 )
" رقم غريب " 
بالعيد الماضي وبينما الكل يتجهز
لـ صلاة الفجر ومن ثم لصلاة العيد
ومع زحمة رسايل " تهاني العيد "
وجدت رقم غريب كاتب لي هالمسج
الساعه 3 صباحا ً
قدام ياشهر رمضان تغادر
رسالتي خذها لأخوي الثاني
ماهيب في الوارد ولا بالصادر
شعر ٍ جديد وناظمه بلساني
واجب عليّ اعايده وابادر
واقولها للقاصي وللداني
مبروك عيد .. ابن الكريم النادر
تركي ولد محـّمدّ الودعاني
.
.
استغربت الرساله خصوصاً
بأني لم اعرف صاحبها ؟؟
فذبحني الفضول
ورديت بتهنئة واستفسار
فأكتشفت بان صاحبها رجل نادر
في زمن قل فيه الرجال ..
فرغم اني لم ألتقيّه الا مره واحده
في حفل ناصر الفراعنه ايام شاعر المليون
ورغم بأني جلست معاه " خمس دقايق " فقط !!
لكنه كان كريم ولم ينسى
وخصني بهذا المسج الغالي علي ّ
^
^
الشاعر الكويتي الكبير
" محمد جار الله السهلي "
يعلم الله ما جلست معاه الا خمس دقايق
وصلت فيها مشاعري وإحاسيسي تجاه
بين عاشق ومعشوق فقط
ولكن على قولة أبو نايف
المهم اقراء الرساله
.
.
( 3 )
البي بي وما أدراك ما البي بي .. 
بالسابق كنت لا اميل له بل
كنت انظر له منظار ثاني
وصدفه وقع بين يدي جوالي ابن خالي الصغير
وهيضتني القصايد اللي يتبادلونها الشباب
وارسلت وقتها على اللسته حقته ابيات
بـ الهلال وفيها شوي تقطيع بالنصر
فجأه طلعت ونسيت كل شي ..
اليوم الثاني احصلها بجوال خويي بالدوام
فـ اعجبتني الفكره واقتنيته
وصرت يوميا ً انزف " زحمة مشاعر " ثانيه
برودكاست عالم من نبضي
^
^
عزيزتي مجلة المختلف ..
بخصوص أن العدد السابق خالد على غلافك
والعدد هذا ياسر القحطاني على الغلاف
تبين تسوقين لـ نفسك مثلا ً
،