تبي حرمه ؟
و أنا مثلك أبي رجّال
يشد حبال ظهري إليا البخت خانه
تبي حرمه ؟
شعرها ليل و عين كنها الفنجال
و أنا مثلك ابي رجال !
قليل أقوال و اذا نطق يقطر حكمه لسانه
ابييه أفعآل و أفعاله تتم بليل كتمانه
تبي حرمه ؟
و أنا مثلك أبي رجال
ماهوب تمثال
مكوّنْ من شنب و عقال
و ثوب يسحبه خلفه
عجز عنْ كيّه الغسال
أبي رجآل له مبدأ . . له أفكار تلخبطني
و ضلعي المعوج إليا مال
يعرف شلون يضبطنيّ ،
أبي رجال
لا شفته تذكرت العظيم الله
و ذكرت النار و الجنة
ابي لي شاعر عذري
له احساس يغرقني
أبي رجال
ماهو شاطىء ولا هو رمال
ولآ بزنس ولا هو ريال
( و لكنه هموم أمه )
وكيف نفوز ب القمة ؟
و كيف نربي الأجياااااال ؟
نخلي بنتنا أنثى
و نخلق في الولد رجّال
تبي حرمه ؟
و أنا مثلك أبي رجّـال
كثيرة بدنيتي الأزوال
قليييييل بينهم [ رجآ آ آ آ ل ] !