أحسن بك النية وتفتح علي أبواب
باب النكد يا عجل ما تفتح أبوابه
إن جيت أبيّن لك على رغبتي بأسباب
أخطيت فـي تقدير ظني مع أسبابه
خليتني أخشاك ما كننا أحباب
متعوس قـلبٍ ما توفّق مع أحبابه
واليا بغيت أطلب حسبت ألف وألف حساب
يرضيك من حبّك معك يسقط حسابه
إن قلت لك مرتاح والله أنا كذاب
وإن كان روحي سرّها البعد كذابه
الشوق يدني ربع من طوّلوا غياب
والشوق يذبح لي تباطوا غيابه
أقولها والنفس تحفظ لك الترحاب
يسوقها فكرٍ عطاك كل ترحابه
إني بحبك سيد الحب ولا ترتاب
أسكنك يا حـب هجر نفس مرتابه