اقتباس:
المشاركة الأصلية كتبت بواسطة meshary
حبيت اشكرك منار لأنك فتحتي المجال للأعضاء جميعاً للتفاعل ومناقشة الوضع بعيدا عن العاطفة . ومعليش لو ثقلت عليكم شوي، لكن ودي أعقب على ردك السابق بخصوص المجاملات وأقول ان السنة اللي فاتت كنا غرقانين ببطولات ولعب على النهائيات وحالنا كان في العلالي ، عشان كذا ما كان عندنا وقت للانتقاد او التحليل العقلاني ، السنة هذي غير !
بالنسبة لكلامك عن مدرب اللياقة والطبيب والاصابات، وتساؤلك ما إذا كانت الادارة أخطأت . طبعا يا منار أخطأت الادارة أخطاء كبيرة . هؤلا يعتبرون جنود مجهولين، دايماً نتكلم عن المدرب واللاعبين (ونمدح فيهم اذا فزنا وننتقدهم اذا خسرنا) وننسى الطبيب ومدرب اللياقة. اللياقة الممتازة لللاعبين من أهم العوامل اللي تحافظ على الأداء المتوازن للاعب طوال فترة المباراة وهي (بعد الله) من يحافظ على اللاعب من التعرض للاصابات المختلفة.
و نفس الشئ ، الطبيب الممتاز والمتعود على اللاعبين وتاريخهم الطبي يكون له عامل كبير في المحافظة على اللاعبين قبل وأثناء وبعد المباريات وفي أوقات الاصابات ، والطبيب (وليس المدرب) هو من يقرر من يمكنه العودة الى اللعب من اللاعبين المصابين ، ومتى ، وعدد الدقائق اللي يلعبها في أي مباراة . وهذا يحافظ على اللاعب من تفاقم الاصابات على الأمد الطويل ويعطي المدرب التفكير بالبدلاء وتجهيزهم في الوقت المناسب. لكن الادارة الله يهديها ركزت على جيريتس فقط ونست الباقين !
المدرب يتعامل بالنواحي الفنية والتخطيطية والتكتيكية للفريق ، أما العمل الأساسي فهو على مدرب اللياقة وعلى طبيب الفريق ، المدرب يضع خططه على افتراض وجود لاعبين مكتملين اللياقة وجاهزين فنياً للأداء كما يطلب منهم وتحت أي ظروف قد تتطلبها أي مباراة. المدرب يحتاج حوله الى فريق عمل متكامل يكون كله على مستوى عالي ، وبعد كذا الباقي على الله ثم عليه وروح وتفاني اللاعبين .
كلامك يا منار عن وقف المجاملات والمديح وايجاد الأخطاء وحلها هو المطلوب خلال هذه الفترة ، الآن قربنا على منتصف الموسم لدوري المحترفين وقدامنا قريباً البطولات الأخرى ، يعني خلاص لازم شغل جامد -مافيه وقت-
جمهور الهلال متعود على البطولات ، وما يرضى بغير التتويج والمنصات ، ولازم ننسى اللي فات ، و نفكر بما هو آت . وان شاء الله نشوف من الآن ورايح الفرحة (In) والأحزان (Out) .
على فكرة هدف رادوي الروعة اللي في آخر الموضوع ، خلتنا نسهج على الهدف وننسى اللي قريناه ، ونرجع نقرأ واذا خلصنا ،نسهج ثاني مرة عند الهدف وعلى هالحال ....
|
مشاري شكرا على اضاااافتك .. فعلآ اخوي كلامك صحيح بس
كالديرون وصل ..و.مباراه نجران الاصعب هذا الموسم تنهي قبل التأجيل وانت فائز رح ترتاآآآآآآح اكثر
وتستفيد من تصادم المنافس الاخر الاتحاآآآد مع النصر
مشكلتنآآ حآليا في الدفآآع
والاخ المدرب صآآحب خطط هجومية ونهج هجومي وطبعا على حسآآب الدفآآع ..المصيبة ان الفريق يعآآني كثير في الخطوط الخلفية ..
ولاعبين بمحور وآآحد في المبآآرآة الاخيرة ):
شفتوا كيف الكوآآآرث في الدفآع بالذآت في الشوط الاول ..
في المبآآراة القدامة لآآزم ينزل الغنآآم مع رآآدوي ..
بالتوفيق للهللال انشاللهـ