،
،
،
سميت انا بأسم ربي عالم الأسرار
اللي كل مسلم يخضع لعزه وجلاله
سبحانه رب كريم نعبده سر وجهار
وماخاب منهو في الشدايد التجاله
أبكتب مافي خاطري بيت واشعار
اوصف فيها أمير لو يطلب الروح تفداله
ابن مساعد اللي صيته عم كل الأقطار
مايوفي له المدح دام مادحته افعاله
في مجلسه دايم أهل العقول حضور
ومن نصاه مايرجع الا وشيه ناله
التواضع والحكمه صاروا له اشعار
وفيه الشجاعه اللي كاملات خصاله
قاد الهلال بحكمه وعزم واصرار
واعلن الأمن والخير للجمهور رساله
عبدالرحمن اللي مايهاب الاخطار
أمير ورئيس الزعامه وكلنا له
في الشدايد والمواقف ماغيره صبار
مع هيبته حتى عدوه انحنى له
يالله تجعله من طوال الاعمار
وتجعل رئاسته دوم ساطعآ هلاله
وصلاة ربي عدد كل هالأشجار
وعدد مصلين البيت ومن دعاء له
،
،
،
ختامآ:
لكم مني انا خالص التحايا والتقدير
والأحترام لكل من يتواجد في صفحتي
لاشك ان هذه ابياتي ولأسمح لأحد ان
يأخذها بأسمه بدون ذكر المصدر !
وبالتوفيق لـ صاحب السمو في عودته
اللتي اسعدت ملايين الجماهير ..