* * * * اهليـن يا اصدقاء المجلس ما بقيتوا احد ما خليتوه الله يصلحكم سوالف حريم لا تنسون كل وحده تحش في رجلها حش تقطعه تقطيع ذا الضعيف السبهة ( مع ان فيه بعضهم يستاهل ما يجيه ) لكن البعض لا و الله ، الحين يا جعل اللي مناب قايل يشقى و يتعب عشانك و عشان بيتك و هذي اخرتها ، حتى الله يجزاه خير ما فيه و لا و اذا جت بعضهم تحش لمجرد الحش وش زود الباقين ودها تطب في السالفة مع ان زوجها من اطيب ما يكون معها بس يقالها عن العين و الا موقف بسيط و زعلت عليه ليه انها قالت ودني لبيت اهلي و قال لأ ( اجل يا الظالمة ) الضيف توه جاي من دوامه يا الله يلقط نفسه بدال ما تستقبلينه بكلمة حلوة تقولين ودني لاهلي خواتي مجتمعات طيب اصبري يا جعل مناب قايل خليه يريح و يرتاح و بيوديك . و غير عاد حش ما بعد العرس يووووووه مصيبه تفنن في الحش من بعد ما يطلعون مباشرة من العرس بدل ما يقولون ما شاء الله يوفقهم ، مسكوا العرس و اهله و ينقدون فيه من دخلوا لين طلعوا همن يحولون على الضيوف واحد واحد همن اذا خلصوا و فصفصوا العرس ، قاموا يذبون على عشاهم تحلف بالله تقول ذولا مطبخهم ما يمسكه لا شيف فرنسي مخصوص لهم ما كأن غذا البارح جايبه الابو من الحراق نجي للشباب :- مهوب عيب انك تلبس او تتابع موضه ، لكن انتبه انها توصل لدرجة ان الواحد الى شافك ما عاد يفرق بينك و بين اختك و الله يا بعض الشباب انك تحتار اذا جيت تناديه تقوله يا انسه و الا يا ابو الشباب وش يميز الشاب غير رجولته ، معليه و الا بدونها ولا شي ، اما الكدش ذا كلام ثاني ، ما ابي اتكلم عشان ما اجرح احد لكن ، كل ما شفت واحد مكدش احس ودي احلقه صراحه اما الولد الناعم هذا كلام ثاني ، يكفي يكفي انه فعلا يسبب غثيان بس اذا شفته من جد يقلب الكبد و يسد النفس و ودك تلعن والدي الي جابه و تنطله في صحراء ليبيا عند الطوارق فيذاك عشان يعرف ان الله حق مصالة صبايا :- ما يحوم كبدي الا اللي تجيك ما تنادي امها في البيت الا يمممممممه و الا يووووووه همن تجي في المنتدى و الا مع صديقتها ، مامي قالت لي سوي كذا و بابي يقول سوي كذا يا ليل ام الليل ، و الا من تالي كل الحروف تطلع من خشمها يقالها دلع و اتيكيت و يا ربيييه صبايا ، فيه حقيقه ، في بنات من الله دلوعات تجي من الله دلوعه دلع فطري و ميزة هالدلع الفطري انه مهوب سامج لا ، بالعكس دلع يا سلام تحس ان قدامك بنت متفجرة الانوثة ، أنثى بمعنى الكلمة . و فيه دلع مصالة و سماجه و يا الله هذا النوع اكرهه هذ النوع يجيب لي التكه ، ارحمها اللي تصتنع الدلع غصب الا انا الدلوعه التي اقوى دلع فيني يا زين الشي على طبيعته و بس نكهة حب :- اللعب صن مغطى ، و الحله مهيب في يدك <--- مدمنين البلوت بيفهمون بعبارة ثانية :- ( هو حق مصادر ) تحياتي لكم يا اصدقاء المجلس نفر نفر