روايع الشعر كن تكتـب بمـي الذهـب
وانا كتبـت الروايـع والذهـب ميّهـا
تجاربن تحكي الماضي لصدرن رحـب
ومشاعرن تسحر القـرّاي مـن غيّهـا
فياللي سمعت التجارب من صدوقن كتب
إحفظ جزيل القصايد وإطمـح إلزيّهـا
اليوم اببحر عسى موجـن تلاطـم ادب
يركـد علـى هيبـة الفكـره وقافيّهـا
اثنين مامثلهم بيـن البشـر والعـرب
في ذمتي هم غنـاة الـروح وهنيّهـا
وإثنين في حبهم ببقـى احـب وأحّـب
اثنين من حضـرة الدنيـا وماضيّهـا
وإثنين في بعدهم عمري جفاف ولهـب
وفي قربهم تزهـر دروبـي نواحيّهـا
ابوي وامي ولو بلحق جزاهـم صعـب
جزاهم اكبـر مـن الحاجـه وراعيّهـا
ابوي رجلن كريـم المرجلـه والنسـب
وامي هـدب عيـن جدانـي وياحيّهـا
في برهم ماشكيـت المهلكـه والتعـب
لو يطلبون العيون السود مـع ضيّهـا
..
لكل من سالني
بالايميل وبالرسايل الخاصه وهنا
عن تعب الوالد شاكره لكم دعاوتكم الصادقه
ووقفاتكم المحفزه اللي ماهي غريبه منكم جميع ..
حتى لو بمجرد سؤال كافيني والله
..
حقا اسابيع كانت ثقيله علي
بس دام ثقتي بربي كبيره يهون كل شي ..
جد شعور من الصعب اني اصفه او اعبر عنه
لكـن الحمدلله اللي عدت على خير ..
شاكره لكم
والله لايخليني منكم جميع
فردا فردا دون استثناء ..