.
تبخّر حلمنا : شوفه سحاب افراقنا.. ممطر
............ سقى نخل الهموم وطاح تمره في أراضينا !
أنا وأغلى ثلاث سنين فيني : كم لنا نشعر ؟
............ طفى ضي الحنين ونام طفل الأسئله فينا
من أول : حيّنا / تربة شقانا / صبرنا الأكبر
............ مآذن صمتنا / طوفة أملنا / بـاب أمانينا
خذتنا ريح صدّك .. للتغرّب .. والبعاد المُر
............ تكرّم .. سمّع آذآن المدى صوتك : ونادينا
وقفنا ... وابتدآ ساعي بريدك بالضياع يمر
............. لقينا : الذكريات وصورة الأيام ..... تنعينا
كبرنا حسره ومالت عذوق أشواقنا / أكثر !
............ تولّاها الزمن قبل الحصاد .. ومات ساقينا
حرام يضمنا .. برد الشتا ... في واديٍ مقفر
............ حرام نضيع في درب إحتياجك .. مانلاقينا
حرام إنطيّر أصوات الرجا .. ونعيد .. ونكرر
............ ولانلقى .. سوى كف الصدى تخنق رجاوينا
تشح وينثني من سدرة آيامي غصن أصفر !
............ وآنادي : يابعادك ... في بعادك شوف جفّينا
أنا و أغلى ثلاث سنين فيني .. لو بنستفسر
............ إذا : نمنا على جمر إنتظارك .. من يصحّينا ؟