.
بسافر لك : سما و بحور
و بـ أغرّق لك سفن الأحلام ،
وغرّقني بعد أكثر ..
ولا بـ أطلب نجاةٍ منْك ،
لـ أنّ عيونك : المرسى ،
و كفّك راحتي واليمْ ..
يا بحري والغرق يا أنتْ /
يا موجٍ رافضٍ يهدى ،
مثل هـ النبض واللهفة
مثل هـ الحب وآماله ..!
*
بسافرلك غصب مو طيب !
وأبي بـ العود تعزفني ،
( وتر الإحساس ) : ترْفق به ..
و تلمس أجمل أوتاري ،
وتهديني لحن يبقى ..
لحن خالد ولا أنساه
لحن حبّي و إحساسك ،
لحن عينك و كلماتك ..
يا أعذب لحْن بـ الدنيا !
*
بسافر لك شجر وأغصان ،
وأظلّل خافقك فيني ..
لجل تنبت لك عيوني ،
زهر الأفراح في عينك /
ونحصد بسمة الأيّام ،
ونفرح بـ اللقا ونعيش .. !
