لي صاحب كنت افتخر فيه واغليه
ولو يطلب اغلي ماملكته عطيته
كذبتهم يوم انهم عذربوافيه
وسقت الظنون الناصعة واحتميته
دونه تحملت العتب والمشاريه
واهديت له جسر النجاح وبنيته
لكن مع الايام بانت خوافيه
واللي لقوة الربع قبلي لقيته
لقيت حاضر واقعة مثل ماضيه
وضاع الرجا اللي طول عمري رجيته
وبعته من اول سوم لعيون شاريه
وغسلت قلبي من غثاه ونسيته
بعض المواقف فيه خيره وتنبيه
تكشف لك الخافي علي مابغيته
والله لو احيا علي الفقر والتيه
اني مااعاد استرجع اللي رميته
انا العنيد اللي بعيده هقاويه
واخوي لو يبيعني ماشريته