لين اقبلت مثل السحابه بهمال
تشفي غليل اللي تزايد غليله
مابي تناقلها هل القيل والقال
وتصير من بعد القصيره طويله
اشيل حملٍ لو يشيلنه جبال
الله وامانه غير تصبح نثيله
ارمي من هموم الزمن واسحب ادبال
وانزل عن الجوكر وغيري يشيله
من كثر ماشفت بحياتي من انذال
بديت اشك ان النذاله فضيله
مااطااح من عيني رجل طاحوو رجال
ورجال ياحيي ماهي قليله
اقرب من اللي قالهم ضمن ماقال
راكان بن حثلين راعي الجزيله
هذا ولد عمٍ وهذا ولد خال
وهذا رفيقٍ مالقينا بديله
هذا الزمن يبغاله لسان دلاّل
من يستحي هالوقت واعزتي له
وقتٍ به الراعي غدى راعي دلال
كلٍ على طاريه ينفض شلشله
ومن كان ساسه للردى مضرب امثال
اليوم يحسب من كبار القبيله