اللي شفناه صدق ..؟! وربي مباراة أعصاب .. مباراة ما تصدق آجل فايزين بثلاثة أهداف وفجأة وبغمضة عين تنقلب النتيجة علينا .. ولا واللي زاد الطين بله إنهم سجل الرابع وفي الشوط الإضافي الثاني يسجلون الرابع .. صدمة صدمة ..! الهلال مو الهلال في هالمباراة .. يعني بالله تخيلوا فريقنا اللي شادين فيه الظهر ووين ما راح وحنا وياه .. وفريق في أفضل حالاته من إداراه ولاعبين ومدرب .. ينهزم بـ 4 هالشيء ما كان ببالي ولا في بال أي مشجع هلالي .. بس الحمدلله فريقنا كفو كفو كافحوا الين آخر دقايق المباراة .. وسجلوا هدف في الدقايق المجنونه .. بالله تخيل حال المشجع لما يقعد 117 دقيقه وهو مهزوم وبنتيجه كبيرة ونتيجة تعتبر صدمة وقوية على فريق مثل الهلال وفريق حاط كل جهده في الذهاب وفريق جاي المباراة مريح نفسيا و كل شيء بصالحه .. والجمهور اللي حضر الله يعطيهم العافية .. المهم نرجع للموضوع ونلعب أمام فريق مصاب أطلق لاعب فيه جونينهو وفريق منهزم بالثلاثة وفريق ما يطمح للأسيوية بقدر ما يطمح لها الهلال .. مباراة آقل ما ينقال عنها صدمة .. على قولة فارس لما سجل يونس : كلهم يائسون الإ انا متفائل , هالشيء ينطبق علي بالمباراة بالرغم من أن مهزومين وبالإربعة إلا إني ماني متخيل انا بنطلع من الأسيوية .. ذي قوية ومستحيله والحمدلله شفنا النجوم والأبطال في الملعب بيضوها بأخر الدقايق .. بس بغينها بدري منكم حرام تخلونا على هالنفسية والأعصاب ساعتين الا شوي وبمستوى يخليك ما تتفائل نهائيا .. آجل مستوى الهلال اللي عهدناه ..؟ غيريتس .. نجح في كل اللإختبارات وبالعلامة الكاملة الإ انه كاد يسقط في هالمباراة ومو سقوط حيا الله .. لإنها بإختصاااااار آسياااااااااااااااا .. اجل تهاجم وانت فايز بثلاثة وحاط محور واحد .. عاد في غيري أبخص في التحليل بس غالبية المحليين أتفقوا على أن غيريتس غلط .. وكل إنسان يخطىء . العتيبي : ما قصرت وأنقذت أكثر من كرة خطييرة . نامي : اليد الوحده ما تصفق .. آكثر اللاعبين تأدية في المباراة . لي يونغ وخيرات : ليت مستواكم مثل مباراة الذهاب . هوساوي : عتبي عليك كبيير يا قائد . المحياني : دخولك كان مؤثر عالفريق . ياسر : حتى وإن خذلك الحظ تبقى لمساتك عن آلف هجمة ضيعتها . موعد دور الأربعة واللي بعده واللي بعده إن شاء الله مبروكين معشر الزعماء .. وموعدنا أبو ظبي إن شاء الله ..