لدي تساؤلات عده

بنفسي وبعقلي وبكلي ..
بزمنـا هـذا وش اللي يصيـر ..؟

مساء امس
مع مكالمتي لاحدى الزميلات وبمكالمه جماعيه
بـ اكثـر من زميـله ارى نفس النقطه
يتعايشن الحـب بنفس الدرجه ..

على حد النهايات المأساويه ..
عقب سنين حب تزووج وتركها
عقب سين حب تركها وخانها
عقب سنين حب تسلى معها وسحب عليها
او هي تتزوج ..وووووو الخ

وبيني وبين نفسي وش هالحب اللي يتعايشوونه ؟؟
حب ايش وعلى اي اساس ..
ولـ وين بينتهي على النهايات التراجيديه يعني

اسأل كل منهم من متى تحبيـن ..؟
تقوولي فوق السنين والثانيه والثالثه نفس لها اجابتها ..

طيـب لي متى ..؟

والمشاعر يتلاعب فيها
والاحساسيس يتهمش فيها
والقلب ملتاع والفكر شارد
هل بيضل الحب ورا تكست كتابي صوتي .. بوقت الفضاوه فقط
هل الحب بس قرق مشاعر بعيد عن الفعل والمنطق
هل الحب كلمة احبك وماتخيل الدنيا بدونك ..؟ دون مصداقيه ووضوح

طيب مااختلفنا حبي سوي اللي تبينه
بس مشاعرك كم مره تتروض ..؟
وكم مره تنفلت من يد عاشق لـ حضن النصيب ..

هل حبك بيضل كذا
وبالاخـر انتي بطريق واهو بطريق ..

..

وش رومنسية الانثى ..؟

هل هي عطر ونعومه وقتيه من ميك آآب مذاق لبسي ..؟
هل هي لون احمر وجو احمر ..؟
هل هي شموع ونور خافت ..؟
هل هي معزوفه كلاسيكيه ؟؟
هل هي هديه مغلفه ..؟
........... هذي هي الرومنسيه يعني ..؟

لمن سمعت منهم وقفاتهم بالحب ..
عيشو الحياة بعقلانيه فـ المشاعر ليست بـ سهله ..

..