حميدان
هذه القصيدة المؤثرة والتي تحكي معاناة سجين يقمع وراء القضبان في سجون امريكا .
هــذا رْمـضـان أقــبــل
سادس سنه في ديرة الغرب مسجون
سجـن الغثـى والبهذلـه والأذيّــه
سجّانهم قلبه مـن الكـره مشحـون
عنـده حياتـي أو مماتـي سـويّـه
هذا رْمضان أقبل وأنا فيه محـزون
يـا رب هـوّن مشكلاتـي علـيّـه
وسط السجن ما به معي من يصومون
مسلم ومـن حولـي وجيـه أجنبيّـه
دايم حزين وضايق الصـدر مغبـون
مليت مـن جـو السجـن والأسيّـه
يمّه كفايـه وقـت الأفطـار تبكـون
تبكـون (نايـف) مالكـم مقـدريّـه
ودي يا يمّـه بينكـم بـس وشلـون
ودي بتمـره مـن يدينـك هنـيّـه
يمّه فطوري خالـي الطعـم واللـون
مشـتـاق للمـرقـوق والمحْلبـيّـه
مشتاق للمسجد مـع اللـي يصلـون
أصلـي الأوقـات صبـح وعشيّـه
ودي معي في ليلـة القـدر تدعـون
ينفـك قيـد اللـي حياتـه شقـيّـه
ياالله يا رحمـن يـا خالـق الكـون
تغفـر لعبـدك كـل ذنـب وخطيّـه
وصيتـي تكفـون لا مـت مدفـون
فـي دار(أبومتعـب) ديـار الحميّـه
يارب في هالأيام الفضيله ان تفك اسرى حميدان
وترده الى بلده واهله سالم ..