فاز من يستحق 
, ويستأهل الكأس من شاله 
!
فريق منظم لعب بتكتيك رائع وإنضباط عالي جداً 
,
فريق قضى تماماً على خطورة ومفاتيح النادي الإيطالي وما شفنا لا ميليتو ولا إيتو
ولا شنايدر حتى إنطلاقات مايكون ما شفناه كثير اليوم بسبب سيماو اللي قدر
يثبته , وما ننسى ان كلا الهدفين اليوم كانت من جهته أيضاً 
,!
عموماً حالة الانتر استغربت كثير منها يعني ما تحس ان الفريق يلعب نهائي 
,
واضح انه مشتت وماعندهم رغبة للفوز , يمكن تشبعوا من البطولات الاربعة ؟!
لقطة الهدف الثاني بالضبط تحير : ] انتم شايفين كيف سيزار يتفرج على الكرة ؟!
صح مضمونة بنسبة 95 % هدف لكن على الاقل حتى محاولة يائسة يا رجل ؟!
بالنسبة لرافا ,, ممم بصراحة بدري الحكم عليه ! الرجال لقى فريق جاهز
واستمر على نهج مورينهو من ناحية الأسماء لكن بعقلية مختلفة , بينيتيز
في مباراتين رسميتين مع الانتر حقق بطولة وخسر بطولة يعني تعادل !
العيب الوحيد اللي يؤخذ عليه انه بدأ في ستانكوفتش بدلاً من بانديف اللي
شفناه أساسي في مباراة السوبر الإيطالي وعلى ما أعتقد ان الصربي راجع
من إصابة او شيء مثل كذا .
غاب فورلان جزئياً فظهر اجويرو 
,
خلاص نهائياً انا فقدت الامل في الإنتقالات الصيفية هذه والإنتقالات الشتوية القادمة
الولد قال إذا حققت بطولة مع الأتلتيك راح اقعد 
, ويا حظهم فيك , مزعج متحرك
حاسم !
الإنسان اللي لفت نظري كـ كشاف مواهب <- برا 
اهنيء الاتلتيك أولاً فيه ثم إسبانيا , وأعتقد انه كاسياس ثاني ,
حارس موهوب جداً وصغير برضوا لدرجة ما تتصور 
, عمره 19 سنة بالضبط 
يعني اكبر مني بسنة واحدة بس 
!
والحراس الشقر ماكلين الجو ذا الأيام : هارت والحين دي خيا !
ختاماً : مبروك لجمهور برشلونة فوز اتلتيكو مدريد ,
وهاردلك لجمهور الأنتر 
, باقي لهم بطولة أخيرة ويكون شيء مميز يعني تكون
أول فريق يحقق 5 بطولات فقط في سنة واحدة <- يواسيهم
تهقى لو غطينا مباراة السوبر الإيطالي كنتوا خسرتوا من
روما ؟!
عموماً راح أتأخر بالتغطية , بكرة يعني قبل ما تبدأ
الجولة الثالثة من الدوري الإنجليزي راح نحط لكم صور المباراة
وتقريرها من إحصائيات وحوسة .
