ما تنزل دموعي ع ظل رجال
ولا شانت الدنيا و أنا ماني بدونك
أما تجي من بابنا وحقق آمال
وإلا تغيب ويا كثر من يبونك
ما تنتظر بنت الوفا ولد الأنذال
ولا تعتقد طهري بجاري مجونك
ماني بلعبه تنتظر ضمة أطفال
ولاني بصوره تلتقطها عيونك
ولا ني بشينه تنتظر رحمة رجال
أنا ورثت من الحلا ما يصونك
لكن بي العفه تحذرني إهمال
مخافة الله لجل أرضي ظنونك
لو إني مكانك رغم طيبي أبختال
ما فيه منهي كامله وسط كونك
لكن أنا من الخيال أقرب مثال
يكفيك حتى إن خنتني ما أخونك
لان الخيانه تجري بعروق الرجال
مسموح تخطي و الأهل يعذرونك
لكن تخونك بنت من صلب رجال
هذا كفر ما يغفره شرك كونك
آخر كلامي ماني بحاجة أنذال
أما مع الباب أو أقصر ظنونك