*


:
ليه
ليه صارت حروفي تشتكيه
ليه
أجمع حبات حب من سحابتي
وتجف فيه
ليه
أهرب أنا منه ..
ولجوئي كان إليه

راح
أخذ معاه ابتسامة وحلم وارتياح
وصاحَب رحيلَه الصباح
راح .. وترك لي بعض أشياء
ترك لي الليل
و " مابه حيل ،
ومناماتٍ فقدتها .. حيييل
وشفاهٍ باهتة .. ما لها للبسمة دليل
وترك لي التيه
وتنهيدة الـ إيييه
وأكوام من ليه

وفقد السبيل
لـ تطبيبِ العليل
شيٍ هنا .. على صدري جنى
غرس فيه همّك
وما جنى
غير إهمالك
صار بك هالك
لو تسأله عن حاله ..
يجاوبك كما حالك
ولو تدري عنّه
تحكي لك الوَنّه
قلبه شديد البياض .. والألم فيه | حالِك

يعيشَ الضيم
يسألك وين المِطَر يا غيم
وين .. وين
وين اشتكيك .. لمين
يامن كل ما خانتني سنيني .. | أجيك
صار دور كيف
ــــ كيف ضاع الوفا فيك ؟

لحظة انتبهت
إني ابغى أصيح
مو المشكلة إني تعبت
المشكلة عجزت أستريح
ولحظة إختنقت
ما عرفت شلون اصيح
ولحظة .. لاحظت
إني كل ما وقفت .. أرجع أطيح
منك يا ريح ،.