ياواقعـي .. ويـن تاخذنـي متاهاتـي ؟
ماكل مـن هـو بـدا رحلـه .. يكملّهـا
لون الدجـا صـار .. يقفـي ولا يآتـي
خيّم علـى تالـي الدنيـا .. مـع أولّهـا
خالفت قصـدي .. وضيّعـت إتجاهاتـي
وعوّدت نفسي .. تجامـل مـن يجاملهـا
شدّيت عزمـي وحـل الصبـر مأساتـي
بس السعـاده .. قليـل اللـي يحصلهـا
ياسـود الأيـام هاتـي مابـقـا هـاتـي
الليـل حـالـك ولا تنـفـع مشاعلـهـا
أدّور اللـي طعنّـي فـي وسـط ذاتـي
ياليـت يجهـز علـى حالـي ويقتلـهـا
أقلّـب الوقـت واستـرجـع سجـلاتـي
وماكل مـن شـاف ميلاتـي .. يعدّلهـا
قطعت حبـل الرجـا بأصـدق علاقاتـي
وبعـض المخاليـق مـا ودك تواصلهـا
لا خاب ظنـي وطاحـت كـل هقواتـي
من حقي أشـره علـى الدنيـا وأجادلهـا
لو كل شورٍ / يجي/ .. ويروح .. بسكاتي
كان أكثر الناس .. مـا حلّـت مشاكلهـا
عـن البـدايـات ماتـفـرق نهايـاتـي
والنـاس تكثـر .. بهالدنيـا مشاغلـهـا
علمني الصمت .. كيف أجعل من أبياتـي
تبـوح بأصعـب حقيقـه كنـت جاهلهـا
وعلمني الوقت .. كيف أخفـي معاناتـي
وأكتـم بصـدري همومـي واتحملّـهـا