زيل الجبال ولا تزيـل الطبيعـه
وطبعي يشوم بعزتي وأنتخيبـه
أبـوي علمنـي أروم الطليعـه
وأنا على علمه وربعـي عتيبـه
الطيب ساسي والمكانه رفيعـه
وحنا عتيبه والمناسب عريبـه
حنا هْل الفزعات ماهي شفيعـه
حنا لنا بالمجد والصيـت هيبـه
أهل المبادي والصدور الوسيعـه
حوم الوغا ربعي عتيبه صعيبـه
صغيرنا بالطيب يْولِـد رضيعـه
وكبيرنا له حكمـةٍ تعتلـي بـه
على المعزه مارضينـا الهزيعـه
وعلى المهونه ماقبلنـا الغليبـه
من حقي أفخر بالعلوم الوقيعـه
والشعر هاجس بالفخر فاح طيبه
مايدري أني بنت حرن تطيعه ؟
ربعن ليا قاموا تقوم المصيبـه
من داس لي طرفٍ يامال القطيعه
ومن قال بي شي يقطع نصيبـه
أنا لـي الله مارجيـت التبيعـه
راع الردى والكذب ربي حسيبـه
هذا جوابي فوق رأس الرفيعـه
قولي على وضح النقا وأعتزيبه
زيل الجبال ولا تزيـل الطبيعـه
وكلن على فعله ينوّمس قريبه