تعال سولف لي عسى قلبي أفداك
( يالّب قلبك ) ياحلاوة اسلوبك
أحيان أشوفك وآتخيلك والقاك
واقرأ الشمال بزاويه من جنوبك
وأحيان أموت من الظمأ وأشتهي ماك
وتصب ماك بكوب ماذوق كوبك
أسهرك ليل وتحتويني زؤاياك
آتوه في شرقك وأضيع بغروبك
هنا تواسيني وأنا ميت هناك
دوبك على قلبً مصافيك دوبك
سماك رحْبه بس ضاقت بي أرجاك
غيمك تعداني وهبت هبوبك
تشب نارك بالحشا وآتمناك
وجنون شعري بالغلا سلموبك
وانا لازلت مّسلم الامر لرضاك
حتى عيوبك معجّبتني عيوبك
كنت أرسم البسمه بضحكة محياك
وآهيم بك لامالت الشمس صوبك
ويحطني موجك على جال مرفاك
لآخر مدى لو كلهم سولفوبك
قلي وش اللي معجْبك بي واغراك
واكتبني آخر توبةٍ في ذنوبك
واذا أحترق صدري بصدك وجفواك
يكفيني أشرب من عذوبة أسلوبك