أبدهشك !
فعلا أدهشتينا بطرحك لقضيه إنسانيه بالدرجه الأولى ..
الخدم والإسآءه لهم ..
واللي أشوفه هالأيآم أنوه الإسآءه مو بس بالضرب أول الإهآنه بالكلام
الاسآءه بعد بهضم حقوقهم ..
خصوصا بعد مآإنتشرت سالفة إيجار الخآدمآت .. وصآرت الوحده تملى غرفه في بيتها
كلها خآدمآت وتبدآ تأجر بدون لآحسيب ولآرقيب ..
أولآ للأسعآر اللي وصلت للآلآف والخآدمه مآتآخذ منها إلا الشيء الأقل من القليل
مع أنوه الكرف عليها وصآحبتنا جآلسه حآطه رجل على رجل ..
والمسكينه تكرف من الصباح للمسا من بيت لبيت لكم عاد تخمنون كمية الكرف والتعب
اللي يجيها .. الله يعين المسلمين ..
ثآنيا الشروط اللي مآأدري وش تبي ..
مثل أنوه الشغآله مآتنآم إلا الساعه 11 حتى لو كآنت مخلصه شغلها
هذا شرط وحده لخآلتي لما اضطرت تستأجر شغآله ولما استفسرت عن السبب
قآلت وبكل بسآطه ( يآحيي ماابيه تخرب علي ابيتس تكرفينه كرف )
<- بالحايلي
لكن خآلتي طنشت الشرط ولو كانت نفذته لنعتها بصآحبة القلب المتحجر
ثآلثآ .. مآرآفعن ضغطي إلا هالمبزره لاجوا ينافخون على الشغالات يشتغل الزر الأحمر عندي
وإذآ هآوشتهم يقولون بكل قرف ماما تقول هذي شغآله
أنآ أدري والله مآخربكم إلا المآمآ الله يهدي كل مآمآ تسوي كذآ
والطفل على مآتربى عليه هو مثلآ من وين بينفخ رآسه عليها لو أن تربيته ماكانت غلط
أنا صرت أشك أنها جريمه لو ربينا عيآلنا على إحترآم الخدم ( خصوصا )
أي نقص نعآنيه
آخر شي الإبتسآمه في وجه الخدم كارثه لايمكن مصيبه
كلنا عآرفين انو في الجامعات عاملات النظافه شغآلآت
أنا عن نفسي كل يوم أسلم عليهم وأسألهم عن أحوآلهم
ويثير تصرفي هذا قرف بعض النآقصات أو حتى نظرآت الإستهزآء منهم
وبكل قرف يقولون ( تسلمين على شغاله )
إيه أسلم على شغآله .. وش المآنع في هالشي
الله على السعاده اللي تنرسم على وجوههم إذا ابتسمنا لهم
فرحه تنسيك همك وربي ..
وفي مره من المرات مريت بالجامعه بعاملة نظافه وكان عندي إختبآر في نفس اليوم
ومآده نآزل لي فيها حرمان والمطلوب لرفعه عذر عن أسبوع كامل
<- مشآكل ياساتر
سلمت عليها وسألتني إذا كآن عندي إختبآر قلت لها إيه
رفعت يدينها للسمآ وصارت تدعي لي من قلبها
مآتتخيلون حجم الفرحه والسعاده اللي ملت صدري لحضتها
بنفس اليوم كآن إختبآري حلو وبنفس الوقت وآفقت الأستآذه على أنوه يكون العذر ليوم وآحد
والإستآذه مآهي من النوع السهل .. وتدبر العذر وياربي لك الحمد
وأنآ عآرفه أنو كل هذا من فضل ربي ثم دعوآتها الله يجمع شملها بأهلها يارب
فمآأدري وش المآنع من حفظ كرآمتهم وحقوقهم .. والتخفيف عنهم معآنآة الغربه ..
آتمنى أننا نكون شعب متفتح أكثر لآيضع لهذه الفوآرق أي أهميه
ولآينظر لمن هم أقل مستوى نظرة كبر أو تعآلي
لأن هذا التصرف لآينتج إلا نتيجة نقص في شخصية الإنسآن
تقول يوم جآبلي فطوري عطآنيآهـ وأيدهـ ترتعد <- تقوله بفخر ترآ 
!
أشتفزتني كثير .. هذي أحد مشآهد النقص اللي أنا أقصده
آبدهشك .. أنتي روعه
