يالله ورجعت لإيام زمان ’ تبون القصه بالتمام يالله نكتبها ونقرأها بالكمال ! أنا / يمه يوم زواجك كيف كان احكيلي أمي / يازين ايام من أول مافيه تكاليف ولافشخره على غير سنع ! أنا / احكي احكي ابي اعرف اكثر أمي / تدرين ابوتس يوم ياخذني كم راتبه ؟ أنا / كم :! أمي / ماتعدى ال 300 ريال أنا / من جددددددددك وش يجيب هذا أمي / كل شيء عندنا رخيص ومكفينا وزود أنا / يعني معقوله مهرك ماياصل الآف ؟ طيب شلون تجهزتي ! أمي / ابد الحمدالله عرسي كان ببطن السطح أنا / ( طبعآ قاطعتها ) لحظظظظظه وشو بطن السطح ! يمه فيه احد يحط عرسه بسطح ! أمي / ايه ليت عروسنا هاللحين مثل اللي بِ ال سطوح وش زينها وحتى اننا نأكل من صحن واحد أنا / يمه طيب سويتي زفه بعرسك ؟ أمي / ماعندي زفات جالستن بغرفتي لين جاني ابوتس ! أنا / تصدقين يمه اهم مافي العرس الزفه وش اللي سطوح ومافي زفات وصحن واحد , أمي / ليت الزمن يرجع وتشوفين ايامنا وعروسنا البعيد يجيك من اقصى الدنيا ويحضر لك اما اللحين ماحولتس أحد أنا / وكان عندكم بوفيهات أمي / الله يخلي الذبايح أنا / فستانك يايمه مثل هاللحين يسوى العشر الاف وفوق ! أمي / مايجي قيمته ال 100 ريال واكثر شوي ووش زينه أنا / ياررررررربيه اثركم ماهنا زود بالكشخه أمي / اقول اقضبي هرجتس وخلينا نشوف عرستس شلون بيصير أنا / ايه بزبرقه وش حسبالكم ! أمي / الله يعين القرش ماعاد يوفي من .. [ الحجاز لِ الشمال لِ الجنوب لِ اقصى نجد ] .. عادات مختلفه بِ الزواج , سواء في تقديم الماكولات , الرقصات , اللِباس , تقديم الهدايا لِ العروسين ... مراسم الحفل من تمتمة اللسان لِ إطلاق [ زغروطه ] لِ دف الدفوف وابتدا اهازيج الفرح : P وكان الحديث طويل بالمختصر المفيد بيني وبين والدتي هنا نبي نعرف " عادات وتقاليد الزواج "بكل منطقه من مناطق المملكه .. تحكون لنا فيها عن ابرز الأحداث وكيف طريقتكم فيها الموضوع بحر اسراره بِ ايديكم / افضحو عنها ولو حابين تحطون صور يكون احلى بعد الأهم مو من النت .. عرس الرجال يختلف عن الحريم , ودنا نشوف عرسكم كيف , الشكر لمن صمم / ـخُرافي الشكر لمن صنع الفلاش عليه / عديل الروح -