السـلام عليكم .. مساءكم كـ روعه الشعـب السعودي : – مناظر من بلادي ~ حديثي اليوم ليس عن مناظر المجمعات التجاريه عندنآ ولاعن مناظر الطرق والجسور ولاعن مناظر البحار والصحاري والجبال في مملكـتي اتعجب حقا لما اراه ..! اتعلمون ماهي المناظر التي رأيتها ؟ قد لاتكون مناظر نراها بالعين المجرده لكنه واقـع يلامسنآ ونتألمـ كثيرً لأجـله .. بلآدي قـبله المسـلمين , مهبـط الوحي الأمـين .. بلآد الحرميـن الشرفـين .. والكـثير الذي تجعـلني بكل فخـر أقول " أنآ سعوديه والنـعم " نعمـه جزيله أنتـي ياوطنـي .. لكـن أحـزنتني تلك المنآظر يآبـلآدي .. ولاأسـتطيع أن أكـتم صمـتي بدآخلي لأن الكـثير منا صامـت وبصمتنآ هذآ لن نتحـرك خطوه واحده للأمآم لن أتحـدث ولكن ماشاهدته سيتـحدث بمـفرده .. (1) وانا في البحرين شدَ انتباهي سياره سعوديه تصل قيمتها لـ 500 الف وأكـثر ليس هنا الغريب وليست هنا المشكله اطلاقا ! نظرنا للسآئق واذا به كالعاده هندي نظرنا لمن معه لانستطـيع ان نرى لأن السياره مظلله بالكآمل .. قلنا : اوووه شكله امير وإلااميره الي رح ينزل الحين معنآ توقفت السياره نزل الهنـدي يفتح الباب لسمو الأميره ! أتعلمون من هي سمو الأميره ؟ اطفاله وزوجته ! هندي بالسعوديه يركب سياره تصل قيمتها اكـثر من 500 ألف تألمـت لهذا المنظـر , ليس لأنه هندي ولايستحـق تذكرت ابناء بلادي تذكرت من يبحث عن الوظيفه تذكرت مقطـع لإمرأه سعوديه تصرخ تريد " حـتى لو لحم حمآر " تذكرت سيارات بعض الشباب عندنا ومايقلب المواجـع أكثر بعضهم لايمـلك سياره خير شر تذكرت من يوفـر جزء كبير من راتبه لتسديد قيمه سياره وهذآ الهندي عفوًا المخلص المحب للوطن | يلآقيها ع الجاهز .. ! (2) سأتحدث عن مدرستي ~ كانت تابعه لأحد شركات المنطقه الشرقيه يعني بنت الموظـف لها سعـر خآص بآدره حلوه من الشـركه =) لكن بالمقآبل بنت الأجنـبي ( سوري , سوداني , مصري , فلبيني ( أي شي موب سعودي ! ) لها التعليم مجاني في هذه المدارس ..! تجون للأسـعآر .. السعودي الغير موظف / 28 ألف غير المواصـلات السعودي الموظـف / منيب قايله الأجنبي الموظف / ولاهـلله !! ياترى هل هم ( ابناء الوطـن ) ام نحن ؟ في المقابل ايضًا الشركه تتكفل دراسه ابناءه في الخارج .. وابناء السـعودي سـلام سـلام .. (3) قرارات متنآقضه * صدر قرار يسمـح للمرأه بالعمـل في المطاعم والمقاهي والمحلات وو الخ بالمقآبل لازالت المرأه السعوديه ممنوعه من قياده السياره ! قيادتها للسياره فتنه ولكن عملها بالمجمعآت والأسواق التجاريه ليست فتنـه اركب مع سايق موب فتنه ؟ تفاجئت لما وصل الحال في بنات السعوديه تشتغل تقـص تذاكر ولاترسم على وجوه اطفال في محلات الملاهي الشـغل موب عيب وبالعكـس موب ضده بس وش يمنع انها تسوق ؟ كلامي هذآ مايعني إني مع سياقه المرأه والاخلونا نسوق , لكن اذا بتسمحون لها تشتغل في كل مكان من بآب اولى تسمحون لها تسوق ! : صدر قرار صرف مليون مليار المهم انه مبـلغ وقدره للبحرين عشان يبنون مستشـفى ! ومستشفياتنا الي تشكـي الحآل .. سمـعت بعض المنآطق النآئـيه حتى مستشـفيآت ماعندهآ .. وكثـير سكان بعـض المناطق يضربون مشاوير عشان المـستشفى : صدر قرار بناء وحدات سكنيه في الأردن , المغرب , لبنان ! وإليـكم هذآ الخـبر أقتباس وقال كبير الاقتصاديين في البنك السعودي الفرنسي الدكتور جون سفاكياناكيس إن 70% من السعوديين لا يمتلكون منزلاً والتي تزيد عن النسب العادلة على مستوى الدول المتقدمة، حيث تتراوح نسب امتلاك المنازل فيها ما بين 30-40 في المائة الإبتعآث .. خطوه ناجحه اعتبرها من الممـلكه للحصول على كفائات عاليه .. ماقصرت من هالناحيه .. ابتعثت ولابقى احد من عيالنآ .. بس شي غريب نظل بدون أنظمـه ! شخـص يقرب لنا حاب يدرس برآ طلع على حساب اهله انتظر انتظر وانتظر ينضم للبعـثه جات سنه وشوي وبالموت ضمته البعثه وغيره يروح من اول إسبوع تضمه البعثه وآخرين من انتظر 9 اشهر وناس اسبوعين وناس شهـر طيب وش نظامـكم بالظبط ؟ تمشون على أساس معـين ولاضـربه حـظ , ولاطـلاب بريطانيآ موب حرام الي جآي يصير لهم .. تضمون كندا وامريكا وكل الدول الاهم وش رح يضركم طيب شيء ثاني , الحين ملايين الملايين تنـصرف على المـبتعثين برآ طيب ابناء البلد موب من حقهم يدرسون بجامعآت زينه ابنو لهم جامعآت تفتح النـفس طورو الدراسه عندنآ ولاعشان ماحـصلت لهم بعـثه تروح عليهم .. (4) ..| بوفـلان سرى ليله .. مدري وش البآقي تدرون وش سالفته ذآ بو فـلان .. خويتي راحت تبي تطلع لها بطاقه احوآل وجلست تنتظر وتنتظـر غير القلق والهم الي صار لها والمعامله السيـئه .. وهي جالسه تنتظر وتنتظـر وكل شوي تروح تهاوش الاتجـي بنت تقول للموظفه يسلم عليك ابو فـلان الموظفه انخـرشت هاه ابوفلان هلاهلا الله يسلمه حياك ودخلتها بكل سهـوله .. وخويتي مآكله هوا تنتـظر .. المهم قررنا أي وحده فينا تبي تطلع بطاقه احوال بس تروح وتدخل وتقول للموظفآت يسلم عليكم ابوفـلان .. عشان تسلك امورنآ : (5) مـلاحظه : هالـفقره من كلام بنت عمـي أي غلط موب شغلي خخخـ طموحآت ابناءنا المقـتوله .. مره كنـت جالسه مع بنت عمي بثالث ثانوي والبنت ماشاء الله تبارك الله عليهآ متوفقه ولله الحمـد سألتـهآ وش ودك تصيرين بس تخـلصي ؟ تقول مقـدر احدد > قلت لها بس انتي ماينخاف عليك ! قالت تدرين هالنسبه الي جبتها لو ماعديت القياس والتحصيلي ارميهآ زبآله وأدرس على حسآبي حال حال أي بنت ماجابت نسبه !> على فكره حنا جربنا القياس والتحصيلي بس ماكان له أهمـيه ولاندري وش سالفته إختبآر كل سؤال لازم تخـلصه بـ دقيقه خلال دقيقه لازم تـقرأ السؤال , تفكـر , تلون الدائره .. وتكـون أسئـله مال أمهآ دآعي وين قيآس القدره فيه ؟ المسأله صايره ضربه حـظ تقول الكل يدخل يلون والنتيجه كل واحد وحـظه أجـل معآني كلمآت عربي يحدد مسـتقبل طآلب تدخل جآمعه أو لآ من جد اشياء مآل امها دآعي .. تحصيلي , قدرآت , ترآكمـي , نسبه موزونه .. > يمآآآ وش ذآآ لو انكم باقيين على اسئله الوزاره أبرك لكـم ماأقول غير الله يكون بعونكم بس .. : بالختآم مهما قلنآ بأعـلى اصواتنا نعـلم انها لن تـصل لكن قد يسطـع بصيص من الأمل يومً من الأيآم .. واقلامنا وكل ماكتبنآه ترا النور .. كل ماأتنماه ان تشاركوني بمنآظر رأيتوها وشاهدتوهآ وتركت أثر حزين بداخـلكم .. لـتكن الحريه مبدأكم ..
* ................................