السلام عليكم ورحمة الله وبركاته ..
أشتقت إليكم آل النظم .. أشتقت لنقاء قلوبكم
أعود أليكم وكلّي رجاء أن اكون مقنعا بما أتيت به
لكم ودي .. 
للفكر .. للتنوير .. للشعر .. للكلّ
للمنحنى .. لدروبك المستقيمة
هذا قصيدي فيك ما كلّ ما ملّ
باقي على مرّ الليالي العتيمة
في عالم المظلوم .. والغبن .. والذلّ
والقيمة اللي قبل ماهي بقيمة
مابينها اشياء بتزداد .. وتقلّ
على حسب ذكر الرجال العظيمة
فاللي تهاوى تحت واللي رقى التلّ
اسأل عن اللي جاد عنده نسيمه
وإذا توازت .. بحمد الرب وآجلّ
اهم شي تكون عندي عزيمة
لأني بشر ومعرّض فيومً آزلّ
ولأن العقول اللي تناقد عقيمة
وان جارت الاحكام وان ضاق بي الحِلّ
وسّعت صدري عن كلام الشتيمة
العمر يمضي واكثر الهم بيضلّ
واللي جديده .. عند غيرك قديمة
آقولها .. والجسم ما يتبع الظل
وآطولها .. لا شحّت متون غيمة
واللي يداري دمعته في هوى الخلّ
ليته يداري خافقه .. لا يهيمه
بعض العرب تسأل وتدري عن الحلّ
لكن ماهي مثل ظنّك سليمة
يا لايمي .. والنور للحين ما طلّ
ما عدت مثل اللي يجاملك شيمة
بخالف العالم وبوقف على الظل
واللي يبيني .. ينتظرني بغيمة
**********
وعفاكم