ماجـانـي الـنـوم وانــت براحـتـك نـايــم
يـابــرد دمـــك ويـاحـظـك عـلــى قـلـبـك
الـجـو غـايـم وصــدري ضـايــق وغـايــم
ويـن انــت يــوم إن جــوي مـنّـك ملـبـك
خليتنـي فـي مزاجـك شـاطـح وعـايـم
مـن دافـع الشـوق والوجـدان طايـر بــك
ولعتنـي فـي هـواك وصـرت بـك هـايــم
ما عاد لي شي غير أراضيك وأشعر بك
وخليـت قلبـي مـع حـوم السمـا حايـم
مـــا قـلــت خـلــك ولا هنـيـتـه بـقـربــك
لا تحـطـنـي عـرضــة الـنـقــاد والــلايــم
و أنـا علـى صافـي النيـات مبـحـر بــك
لا تـامـن أمــن الـزمـن مادامـلـه دايـــم
واللي عطاك الغلا معطيـك وأبصـر بـك
الـحـر لا مــل وكــره واعـتـلا شـايـم
لـو ترفـع الصـوت مـا حـوّل عـلـى دربــك