اقتباس:
المشاركة الأصلية كتبت بواسطة [..بـــاريـــس..]
شفتك بعد غيبه وحاولت احاكيك .. ما هو من قلبي ولا من جراته
بغيت اقول فلان وازريت اناديك ..وكني سمعت اسمي مع الالتفاته
فزيت من نومي وانا اقول لبيك ..واثرك رؤيا في منامي وجــاته
صفقت كف وقلت ياحلم يشويك .. جددت لي جرح الهنا في مباته
ياللي شريت البعد ما غاب طاريك .. حتى لو ان البعد سوى سواته
ماهوب محزني على حاجة فيك .. الا ان قلبي شايفـــن بك غناته
كن الطيوف تقول وش حال غاليك .. واقول راح ومابقى الا غلاته
لو ان ماجاني من الحمل ياتيك . كان المصلي ماحفظ وش صلاته
مريت شارعكم وصادفني اخيك ..واللي قطع قلبي حلاتك حلاته
بغيت ألخبط من دعاياه وادعيك .. واسمك وقف بين اللسان ولاهته
بغيت اجيب العيد واقول : يرضيك .. في اللي وصاتي له وضيع وصاته
البعد شيب خافق ميت فيك .. والى مشى خطوه عثر في عصاااته
مشكلتي ان قلبي انه يحبه ويغليك ..ومشكلتك انك شخص عايش حياته
كثر الجفـــا ناار وحطبها تغليك .. خف الحطب لا تزيد نار الشماته
إما أحزنك جرحن برجواه يدعيك .. ما عاد تفرق عيشته من مماته
قلبي وعمري كلها بين اياديك .. العمر فدوة لكن القلب هااااااااااااااااته
ان ما بغيت ترد قلبي ما اوصيك .. احسن عزاه اذا دريت بوفاااته |
من اروع قصائد الرائع حمد المري ..
صــح الله لســانه ..
ورائعه ذائقتك يابن عبـدالله ..
اللتي جعلتك تنسج لنا هذه الشامخه
ومدونـــه
تضـل بأوج ابداعاتها وتميزها .. 
دُمــت بخــير .