بيلسان ياحبي لك انتي وردودك على فكرة دايما اللي تقولينه اتفق معك ولا اصرح به كثير اخليه في القلب مدري اذا علشانا متقاربين في العمر وافكارنا قريبة من بعض ب اوضح نقطة او با اتكلم في نقطة واستغرب كثير بنى عليها ( القبيلة وعاداتها) مثل ما تكلم مشعل وغيره عن الزواجات وانه الاخ مايدخل مع اخته وسط الحريم اذا انا دوسرية وربي ماعندنا شيء اسمه كلنا سوى وعيب علينا نسوي كذا ياقبيلة الدواسر وانه لازم نتقيد بعاداتنا .... هالقبيلة ترى لها عوائل وبيوت ورعية من ولي امر اب واخ وام ..) يعني اذا السلاح اللي تطرق له اخوي عايد وحسيت انه معصب شوي على هالحركة اكيد حنا ضد هالشيء والفرح يكون بتعبير افضل .. وعلى فكرة ترى عندنا معاريس يطلقون الرشاش فوق مثل عمي وغيره يعني بيوم الزواج من فترة العصر للمغرب والكل يرمي .. وما اكذب عليك ابوي كان قبل يرمي في زواجات ربعنا بس بعد التصريح بمنع الطلق اتركه ولا عمي ونسايبنا يرمون المهم مهوب كل بيت عندنا يرمي ولاهوب كل بيت عندنا عيالهم يرقصون في الزواجات ولا ولا ...الخ وعلى فكرة انا وخواتي واهلي رافضين الزفات وعمي وبناته عادي ( شفتوا كيف .... ) يعني مافيه شيء اسمه قبيلة وانتم ادرى كم وش هم القبيلة هل هم 10 اشخاص ولا ( ترى السالفة سالفة فيها بيوت وعوائل ) هم اللي يحددون هالشيء يا انهم مع او ضد انا اتكلم باسم الدواسر واللي اشوفه واعرفه من قبيلتنا وجماعتنا سواء هنا وهناك وهنااك تالا ، وملكة الليل عطونا ماعندكم اشوف كيف زواجاتكم هي مثل بيت اهلي ولا غيرنا ! سوري مشعل وان شاء الله ما اكون ضايقت احد