مساء الخير للجميع ..
هلالية بكل معاني احسك من الدوخة ما أنتِ صاحية من نومتك الا السبت ..وربي الله لايلومك من القرف والقهر ..
شفوا بس حالتي امس في الجامعه ..
طبعا محسوبتكم كثيرة غياب لدرجه الحرمان يأشر لي ،،ويفترض انه اذا جيت لازم أحضر ولاأفوت ولا محاضرة ،،
المهم امس رحت الجامعة تعابانه واصلة معي ودي اغيب بس كله عشان ذا التحضير،،
كان عندي ثلاث محاضرات 10 الى 1
المحاضرة الاولى الدكتورة ماشرفت قالوا عندها اجتماع ..قلت يالله ماعلى جيتي حسوفه عندي ثنتين غيرها 
..
انبسطت مع صديقاتي شوي الاو تجينا ذيك السورية ومع اوراق استبيان قالت اني ابغاكم تعبونه الظاهر عندها بحث ماستر او شي حول هذا ..
وقررت وشلتي الموقرة ان نجاوب ونستهبل ونستمع <--- بس من جد اسئلتها كانت روعه ضحكنا ضحك مو صاحي احس انها ودها تسحب الاوراق منا
وانسجمنا وراح الوقت ومن الغباء والفاهيه ولا وحده فكرت تناظر الساعة وتعدي ثلث ساعةمن المحاضرة اللي بعدها ونقوم مفزوعين <--- طبعا بعد ماخلصنا وسعنا صدونا ..وتذكرنا ان عندنا محاضرة وركض على الكلاس وجلسنا نتعازم من اللي بتدخل اول لان اللي درسنا الوكيلة لاتفكرين تدخلين بعدها ..
المشكلة كل شلتي ماهمهم انها ضاعت والا انا وحدة من البنات ضاربين الرقم القياسي في الغياب ..
وعدت المحاضرة ولادخلنا استحينا من العذر وش نقولها وبعد مايسوى علينا تهزئنا عند أكثر مية طالبة ..
قلت يالله خيرة ماكتب لي شي اليوم قلت باقي محاضرة وحدة بتعوض فيها ..<---- على امل بحلل يومي :(
ودخلت المحاضرة اللي بعدها والاستاذة من عادتها تعدنا بالارقام التسلسلية مو بالاسماء المهم وهي تعد الارقام وانا لاهية اسولف مع اللي جنبي ماانتبهت انها عدت رقمي وحطتني غياب :(
بدت في المحاضرة على طول وقلت اذا خلصت المحاضرة قلتلها حضريني ..
ويدق السواق واطلع بسرعه نسيت اني بقولها. على بالي محضرتني .:(
وراح علي يوم حاضرته بس ما استفدت شي :(
و اليوم رحت لها لقيتها غايبة حظي شين
المشكلة ان وحدة من صديقاتي حاسبة لي غيباتي في ذا المادة 10 ساعات لانها في يوم عندنا ساعتين واكثر ما اغيب فيه ..يعني حرمان لامحالة :( المشكلة جايبه في مادتها الامتحان اللي امتحنته A
والمشكلة انها مانبهتي ولاشي ولاحتى انذرتي واخاف اروح اكلمها وتكون اصلا ماخذت بالها من الغياب واصير فتحت عيونها علي
واخاف اخليها اتفاجأ في الفاينل بالحرمان ..:(
بس مازلت متفأله انها ان شاء الله ماتحرمني <---- ماذبحك الا ذا الثقة
تكفون ادعولي......
معليش ازعجتكم بس شفتكم تفضفضون قلت مالي انتم اشاركم همومي:(