البارحه عن صجة الخلق عديت
في راس حزماً موقعه بالغزاله
ومشيت في درب الطويله تعليت
لين أتضح قمر الهلا في هلاله
متساوين وانا براسه تساويت
منه وانا قلبي وش اللي جراله
وشبيت من سمر الغضى لين خليت
مبهارتي تسمع هدير اشتعاله
وياقلب ياللي من هوى البيت مليت
اسرح ياقلبي دام عندك مجاله
لكن فكري غار وأبعد وسجيت
لم الحبيب اللي ذبحني خياله
إليا طرى زوله على البال حنيت
أشوفه قبالي ولاني قباله
يازين طيفه كل ماحل غنيت
غنيت في خلن حسين الدلاله
لعيون من هو داخل القلب له بيت
أنقي الجزله ولو اعناله
لامن تذكرته تواسيت واوسيت
أكتب وانا صادق ولاهي جماله
تكفين يادارن لهم كل ماجيت
تكفين وانا بنشدك عن فعاله
لاشك عند الناس ماصبت واخطيت
هم يرحمونا جعل ماهي خماله
لارحت ماني سائلك ليه ماجيت
وان جيت تفداك الع ـتيبيه / وماله
يادار ياللي موقعك داخل البيت
ضميلي المحبوب مابغى بداله
.