تذبحني الغيـره وانـا واثـق فيـك
واصبر ولا ودي تعرف وش حصل لي
من كثر خوفي زاد الشـوق فيـك
صبرت مااحد في عذابي فطـن لـي
بالضحك وحروف القصايـد مسليـك
والنار فـي عقلـي وقلبـي وكلـي
عـز الله انـك هـم لكنـي اغليـك
والله .. حتـى همكـم جايـز لـي
تشوف شوقٍ في عيونـي يناديـك
واشـوف بعيونـك عذابـي وغلـي
سبحان من صورك واكمل معـآنيكـ
في كـل ميـزات الجمـال امتحلـي
لو القمـر حكـم ضميـره يناديـك
ولا أقبلت فـز وقـال خلـك محلـي
أوصفك ولو مالـك حلـي يضاهيـك
وان قلت غيري قلت غيـرك يولـي
لو يزعلون الناس يكفينـي ارضيـك
لـوّك مكـدر عيشـتـي بالتغـلـي
لوني معك اشفق لذكـرك وطاريـك
واقول سولف عن حياتك وقـل لـي
مفتون في حاضرك واشفق لماضيـك
عز الله اني جـرح وانـك دواً لـي