ليه الدنيا تغيرت
ليه كل شي فيها مال للبرود
ليه صرنا نلتزم الصمت والهدوء حين طفشنا
هل من المعقول صار الطفش شي اعتيادي ولايحل عنا
ااااه بس دنياي ماعاد صارت هي دنياي
كبرنا وكبرت همومنا
وجروحنا مهما تجاهلناها لابد بيوم نحس بها
صارت حياتي بصمت وبكبرياء يحجب نفسه عن كثر الكلام والفضفضه للخلق
صارت راحتي بـ قربي لـ خيلي وصارت فضفضتي بيني وبين نفسي لـ تنسكب بشعري ..
هل من المعقول قلو الناس
هل قلو لدرجة لاضاقت بي اسامر لحظتي ع صوت بو نايف
هل قلو لدرجة اكتب من القصيد الين ماتنفجر عبرتي ..
هل قلو لدرجة احتضن خيلي
بدال لاادور حظن وقلب مخلوق يحس فيني اكثر من مجرد خيل وبحر وصوت خالدي
الخيل وقريبه وصوت بو نايف وقريب
ولكن وينه البحر عني احتاجه وماني بقربه
شوفته تغنيني عن الملا
وتخليني اطلع كل ماهو مكبوت بداخلي
بلا اراده ولا تحفظ ولاتنميق ولا دبلوماسيه
لإنه مهما غــــدر بس مايخـــون عشــــاقه بيـوم
وصوت خالد مايفارقني
ليه هو بالذات حبيته
وغيره من المطربين كثار ولاكاني اشوف بالساحه غيره
ااه ياخالد حبيتك وانا مابيني وبينك شي
حبيت روحك حبيت احساسك حبيت الحانك حبيت اغانيك حبيت اشعارك وحبيت من حبك
بكل اغنيه غنيتها تعايشتها
وحبي لك مو حب المراهقه لفنان معين
ولاحب الأنثى لرجل استثنائي
ولاحب الشاعره لشاعر شامخ
ولاحب بمجرد مرحله معينه وتتلاشى مع مر السنين
ولكن حبي لك يزداد مع الايام ولايثبت مداه غير الايام
ولو احفادي من حولي مانسيتك ولانسيت عشقي لك
كافي انك اول من شد انتباهي وحبيتك وفارق العمر كبير وفارق المذاق اكبر
واغلب من كانو بسني حبوو الموضه والطرب الحالي
ولكن بصدق احساسك وبوحك وفنك حبيتك بلا تحيد وبلا تخيير
لاني بإختصار حبيتك الوقت كله مابقت ساعه
..
اااه بس دنيا تتوه بها العنواين
هالكلام مو مجرد حزن من شي ما او ضيقه معي دايم
لا وبالعكس وع قولة دايم السيف :/
هذه حياتي عشتها كيف ماجات اخذ من ايامي وارد العطيه
بس لما نفكر بالدنيا نوصل لمرحلة الاستغراب
بكونها تغيرت وتغيرو اوادمها ..
وتبقى الحره كما هي .. ومهما تغيرو الناس .. بتضل هي هي ..