برضو المرحله الثانوية كانوا كبارين مره بس تعودت وصار عندي خبره مسبقة - أول ثانوي كان متعب لأنه جامع كل المواد وأنا أحب المواد العلميه وأكره مواد اللغه العربيه والاجتماعيات - فيه أحداث ما أنساها حدثت لي بالمرحله الثانوية خصوصاً ثاني ثانوي اختارني معلم الأحياء لمسابقه على مستوى المنطقه وخيبت ظنه أخذت الثالث - فيه حدث ثاني ما راح أقوله بس سبب لي تعب كثيير - ثالث ثانوي آخر سنه طبيعي تكون احلى سنه وأعتقد الأغلبيه يتفقون معي كنت أطمح أدخل تخصص كيميائي تخرجت بنسبة ممتازه الحمدلله تؤهلني للدخول لأي تخصص - بس للأسف جامعتنا ما كان فيها تخصص كيمياء والوالدة الله يحفظها كانت رافضة إني أدرس برا المنطقة فدخلت تخصص علوم حاسب لأنه هو المطلوب وإقبال الناس عليه كثير - أيام الجامعة تعرفت على أصدقاء جدد وصداقتهم تنشرى بذهب مواقف كثيره صارت معانا ما تنسي الاستاذ شريف عادي محاظرته يخليها ساعتين ونص مع إنها ساعتين بس هالاستاذ كلنا نذكره بالخير - رئيس القسم دائماً يصير متغطرس ومتكبر الله لا يذكره بالخير نكب دفعتنا وما أنسى ضحكت عليه بامتحان عملي ببرنامج الفيجوال بيسك كان فيه خطأ ببرنامجي بس لما جيت اطبقه قدامه ضغطت بسرعه وما انتبه > أحد فهم شي وعطاني درجه ممتازه والشباب فيه منهم نفس برنامجي وخسفههم بالدرجات - تخرجت الحمدلله بمعدل ممتاز ومع مرتبة الشرف الأولى ---- > دافور مصري درست بمدرسة أهلية لمدة سنه وكانت أيام حلوه وتعرفت على أشخاص لا يقلون عن السابقين وصارت فيها مواقف كثيره ما ننساها بحلوها ومرها وتعلمت كم كلمه فرنسي لأن فيه منهج للغه الفرنسيه > سلو ملك روحي - من المواقف اللي صارت لي :- الملعب الصابوني كان فيه يوم مفتوح على ما أظن وجايبين للصغار ملعب صابوني دخلنا معهم أنا وكذا معلم نلعب وكان فيه أولياء أمور حاظرين المهم تفاجأت بنفس اليوم أخوي يوريني مقطع بجواله ويقولي تعرف اللي فيه !! أنا عيوني صارت مثل كذا -> كيف من مصورني بالملعب ومن وين جاك إلا فيه ولي أمر طالب بنفس دوام أخوي ومصورني مركز علي ولسوء الحظ طحت طيحة أليمه الفقرة القادمة ( الأكثر حيرة )