تبي مرأه؟
وأنا مثلك أبي رجّال
ماهوب تمثال..مكون من شنب وعقال
وثوب يسحبه خلفه..عجز في كيّه الغسال
أبي رجّال
له مبدأ،له أفكار تلخبطني
وضلعي المعوج إليّا مال
..يعرف شلون يضبطني ..
أبي رجّال
لا شفته... تذكرت العظيم اللّه
وذكرت النار والجنة
أبي لي شاعرٍ عذري..له احساس يغرقني
وهمٍّ به يأرقني..شعور الشخص في عينه
أبي رجّال!!
ماهو شاطئ ولاهو رمال
ولا بزنس ولاهو رِيال..
ولكنّه
هموم أمة
وكيف نفوز بالقمة؟
وكيف نربّي الأجيال
نخلي بنتنا أنثى
ونخلق في الولد رجّال