لبّى عيونك ياعيوني فديتك
يانبض نبضي يابعد كل مخلوق
إن جيتك تجيني وإذا رحت جيتك
يعني طفاقة حب في راس مطفوق
زينك وحكيك ياغناتي وصيتك
حكاية العالم عدد غير مسبوق
ثقلك وممشى خطوتك وإتيكيتك
شيّ(ن) يخلي حافظ القلب مسروق
ياسلعة من يد غيري شريتك
شريتها من قبل لاتنزل السوق
لاقلت فارقني تراني نسيتك
حاول تصدقني لأجل خاطر الشوق
وإن قلت هديتك بعد مابنيتك
حاول تحملني مشاريه وحقوق
ياشاغلي ليتك وليتك وليتك
تفهم لاصار الحب عاشق ومعشوق
إني بعد ياشاعري مالقيتك
فهمت معنى كل مطرود ملحوق
تعشق سعوديتي وأنا أعشق كويتك
والله يستر لايجي الطاق مطبوق