راح تعرف أن حبّـي مع مرور الوقـــت صايب
راح تعرف في النهايـــة ما حـد يعوّض مكاني
راح يكشف لك زمانك من هو اللي كان طايب
ومن هو اللي لجل خله عاند ضروف الزماني
هـذي الدنيا غـــــريبه .. صعب تلقى لك حبايب
قلتها لك مالبدايــة صعــب يوفــي لك أناني
من يضيّع وقت غيره ولا يضحّي في الصعايب
كيف يثبت لك وجوده كيف تعطيه الأماني ؟
إختلاف الرأي يحصـــــل كل شي وله سبايب
والمحبة درب واضح من عشــق لازم يعاني
وطبعها لحباب تبقى عالوفــــا وقت النوايب
والمحب يصــــون خلـّه ما رضى فيه الهواني
شفت عشرة غرامك يـــــا هوى غيري عجايب
تنفعل لحظة وجـــودي وإتغيّــــر في ثواني
إنت في طبعك مزاجي تعصــف بقلبك هبايب
منشغل قصدك تلاقـــي من هو يعــوّض مكاني