المسا بارد.. وجمرك ما يدفـي
والليالي سود.. ودروبي صعيبه
والقراح اللي حسبت انه يكفـي
شحت أيدينٍ تجيبـه مـن قليبـه
يبست شفاهي.. وحظي مايوفي
والغدير ان ما سقاني ويش أبيبه؟
ليلةٍ كـان اللقـا ماهـو بشفـي
جا يعاتبني علـى قلـة نصيبـه
كل ماونيـت منـه قـال قفـي
وين اقفي بس..؟ ياكبر المصيبه
البـلا ماكـل موجـوعٍ يخفـي
خاصةٍ لاجت جروحه من حبيبه
والوسايد دمعهـا عيـا يجفـي
والشتاعيّا سحابه عـن شعيبـه
يوم ذقت المر قال:القلب عفـي
آآآآه والدنيا ظواهرهـا غريبـه
الشتا قارس .. وقربك ما يدفـي
والليالي سود ودروبـك مريبـه