أحبك..
والسكوت أبلغ
مدام ان الحكي قصر ..!
مدامه مابقى في الحب
"كلمه"
لين قلناها ..!
ولا"كفت"ولا"وفت"
وأحس ان الغلا
يكبر
تعداها الغلا
وكل الحروف اللي نطقناها..
يبيلي أبجديه من جديد
الها حروف أكثر ...
عساني ألقى بها
كلمة غرام ما حكيناها ...!
أبي كلمه
"لها إحساس"
أبي كلمه على بال البشر مره ولا تخطر
أبيها سهله"لا نطقناها"
صعب بالحيل "معناها"
أبيها"أغلى من الجوهر "
أبيها" أحلى من السكر "
أبيها " أزكى من انفاس الزهور اللي جمعناها"
أبيها"لك"ولا "غيرك"
بياصلها ..ولايقدر..
واذا انقالت لغيرك
"يابعد عمري"
ظلمناها...
تعال
ندور لكلمه ..
نحاول قد ما نقدر ..
وأحس ان السكوت أبلغ إذا..
"مالقيناها"
