استغفرالله مدري وراني اكتب هالرد واضحك يوم الاربعاء خلصت محاضراتي بدري تقريبآ الساعه 11 او 11 وربع طبعآ كل صديقاتي ماخلصت محاضراتهم ماعدا سُلوم دلع صديقتنا الخبلاه ( سلمى وكان نفسي بشيء مالح او حار رحت لكافتيرية الهنود اللي جواها كراسي بلاستك المشكله جايه اخر الدوام يعني كلش زين باح ولااعرف اوصف اللي انا مشتهيته وساعه انا وصديقتي جيبي ذا لا مانبي ذا الين اخذنا هالشيء وديو مع اني مدمنة بيبسي بس مالقيت بارد ورحنا بالقاعه ادفاء وعشان نغني لايغركم شكله طعمه اوب زين واللي قاهرني بعشره ريال وهو مايسوى ويصبغ باليد وحالته حله قسم بالله خشتي كني بزر توه متعلم ياكل المهم وحنا نسولف ونبلع هالشيء اللي طعمه مو كويس ض1 الا فجأه دق جوالي ( ذبول الشمس ) قلت امداها تشتاق لي او تبي تهج من محاضرتها والا تبي تسمع ضحكاتي توني قايله الو الا البنت تصيييييح ودي اقلدها بس الحروف ماتحكي >> بتنجلد قلت وش فيك الا تقولي نوف تعالي بسرعه تعبانه قلت وينك فيه قالت تعالي عند الكافتيريا واطييييييييييير واشوفها قبالي وعلى طول بالضمه >> فلم بنت وش فيك وش صاير وش متعبك ( وصديقتي على جنب كذا عيونها ) ههههههههههههه تخيلو يوم قالت لي السبب اللي تصيح عشانه بغيت اطقها واضمها بالاحضان حسيت اني ام مضيعه عيالها >> من يوم يومها حنونه تقول امس الباص سحب عليهم وماجاء ياخذهم وعندها اختبار يوم راحت تقولهم اللي صار قالو هاتي بطاقتك حقت الباص قالت مابعد طلعو لها قالو مافيه إعاده هههههههههه وماتت تصييح قلت وش اللي مافيه اعادة وين فوضى تعالي بس مالك الا نوف وفزعاتها ورحت وديتها المشرفه الاجتماعيه حقت قسمهم وانحلت المشكله انتصار تكفين لاعاد تتبتبسين والاعلميني قبل عشان مااشتري ابو عشره ههههههههههه >> ميته ضحك تعيشين وتاكلين غيرها تخافي وش اسباب خوفك ..