السلام عليكم ..
صباحكم .. مساؤكم
بالخير دائما .. يارب
نص جديد .. يتجدد بتواجدكم
شرح لمعاناة .. ولكن بشكل مغاير
(( معاناتي ))
في ليل يلمع بنجماتي
آجرّ صوتي.. بلوعاتي
شعري وامثّل به شعوري
كتبت في كل حالاتي
مرّات من فرحتي طاير
ومرّات اداري بدمعاتي
ومرّات أكتب كذا واقصد
أحترت من كثر مرّاتي
في حب من هو سكن فكري
سلّمت جيشي وراياتي
بلحالها فالحسن مغنى
لحن, ومشاعر , وابياتي
مستغربة حبّي الخافي
واستغرب الحبّ في ذاتي
من أوّل الحب له هادي
والحين سبّة معاناتي
كنّيت بوصالها حبّي
خلّيت منها بداياتي
أسرفت في حبّها واجد
خبيتها بين نبضاتي
من كثر ماهي علي تطغى
لاحظتها في مراياتي
ألين صار الشقا منها
عادة من اهم عاداتي
أحس فعيونها غربة
أغرب من اغرب كتاباتي
ودي أسافر على كتوفه
وأكتب عليها نهاياتي
باقضّي الصبح في شوفه
والليل في حضن خصلاتي
يا زينها الدنيا في قربه
ويا شينها دون لمحاتي
على كثر ما تجرعّته
من الحكاوي بغيباتي
أقولها صادق النيّة
من دون تحريف كلماتي
حبّي وودي وتقديري
للي مسبّب معاناتي
.
.
.
وسلامتكم |
|