السلام عليكم ورحمة الله وبركاته
أخوان أغتربو ففقدتهم ... حقق الله مناهم وأعادهم الله سالمين غانمين لأرض الوطن ... إليكم المتواضعة ..... :
غـربـة وطـن غـربـة أهـل غربة الروح
غـربه ولـكـن عـن مـلايـيـن غـربـه
ان كـان ودي اوصف انـسان مجـروح
يـشـعـر بــ غربـه والـمـلايـين قـربـه
مـثـل الـذي يـبـكـي قـرب قـبـر وينـوح
ومـاهـو بـ عارف قـبـره بـ أي تربه
مـثـل الـذي جـالـس عـلـى شـط مملوح
ومـايشـعر بـ أيّـة عـذوبـه بـ شـربـه
مثـل الـذي جـالس مع اصحاب ويبوح
لـكـن بـ ظـهـره تـطعنه الف ضربه
مثـل الذي يهجم على اعداء وصروح
لـكـن لـ وحده يـكـمـل ايـام حــربـه
مـجبـور اسـاير هـالزمن دوم بوضوح
وامـشـي بـ دربـه او مـتـاهات دربـه
واشـيـم نـفـسـي بـصحـبة تبعد الشوح
رجــال وطـبـاع الـرجـاجـيـل ذربــه
مقناص في ارضٍ خلا وفوق السفوح
الـكـيـف دلـه والـشـعـر دوم طــربـه
عـز الوطـن عـز الأهـل عزة الروح
هـذي تفـاصيـل السـعودي بـ غربـه
كل عام وأنتم بخير ..وأعاده الله علينا وعليكم بالمسرات