على ذكرى اللقا الي جمعنا قبل خمس سنين
تعالي نحتفل نفرح بذكرى عامنا الخامس
تعالي نشعل شموع الوفا ونعيد الاثنين
نغني لحبنا الغالي دخلنا عامنا السادس
احبك عد ما دق الخفوق ومارمشت لي عين
احبك عد ما نور غرامك عمري الخامس
غلاك بخافقي يكبر مع مرور الزمن ويزين
ويزهر بوسط قلبي غصن قبل اعرفك يابس
تعالي نسهر ونسمع حديث الحب في قلبين
وكيف ارواحنا دايم بحب وشوق تتهامس
وكيف الحب جمعنا سوا من قبل خمس سنين
وكيف بعشقنا نشعل ليالي عامنا السادس