.






يا هنايّ
منهو يزور السما يقطف لنا بسمات
يزرع على أرض اليباس , بدال الوطن أوطان !
من يشبه طيوفك
من يلمح عيونك , و يهزّها كتوفك
و أدري انْ " كفيّ " بعيده عن كفوفك !
يا دنيا من أفراح
بك ترى الدنيا تزيّن
و جرحي القاسي يلين
الحلم يصبح حقيقة , يا أغلى من أمشي بطريقه
يا أُمنياتي المُستحيلة
يا مِظلاتيّ : لا انهمرت عيوني دمع
يا ضحكاتي : لا أضوت بروحي شمع
البشر لا بُد تسأل
وين ودّاني خيالي , منهو لأجله بس أنبض !
وش أقول ؟
وانتَ مالي عيني : خير
مكفيني عن الدنيا
ولا مرّة لمحت : الغير
أبد مايهمني بُعدك .. بس يضايقني غيابك
و أرجع أسأل عن حياتك , عسى ما همّك زمانك ؟
عسى بسمة ضيّاك , للحين تشرق .
مسقبليّ لو ضاع .. فدالك !
و انت ترى تدري : انيّ أنا منّك .
بس البشر ترجع تلوم
ليش عدّيتك : صديق ؟
وليش اخترتك : طريق ؟
و انت أبعد شيء عنيّ , و أغرب حلم مُستحيل
وانت بسما صدري : سحابة سرّ
أبد ما ينكشف " معنى " غلاتك
لا تخاف , يا أحنّ قلب يحضني : بكون ظلّك
أبد ما أحيد عن دربك
و ما أعبر اليوم إلا معاك
في الرصيف الأول : انت
في الرصيف الثاني : انت
في وسط قلبي ترى : انت !
ادخل في زحمة حياتي مابتلقى إلا : انت
ضحكتك شمسيّ في يوميّ
بسمتك إحساس آمن
كلمتك مغزى الثقّة
طرفك الساهي : قصايد و أسئلة !
بغمّض الواقع و أعيشك : حلم
و اكتب نبضي في حياتك : قلبٍ تجهله .