فهد المساعد
- حبيت أوضح لك -





في عز ماكنت أهوجس فيك
وأفتح لك ..

أبواب قلبي خذتني رجلي
لـ بابك ..!

وجيتك وأنا ما أذكر أني كنت
رايح لك ..!

بس أذكر أني كذا لا طول
غيابك ..

ياما ترددت ما أدري كيف
بـ شرح لك ..!

أجيك وأرجع .. أبيك تقول
وش جابك ..!

يا أبن الأوادم ترا مليت
ألمحلك ..!

أنا أعزك ..وأحبك .. وأعشق
ترابك ..

لاضقت أضيق ..ومتى ما تفرح
أفرح لك..

ولا غبت أموت ومتى ما شفتك
أحيا بك ..

ان كان ودك ترسيني على
كحلك ..

لميت عمري وخاويتك
على أهدابك ..!

لكن قبل تنجرف ..حبيت
أوضح لك ..

مستقبلي في يدينك وعمل
حسابك ..

لو ضاع مستقبلي ماني
بسامحلك ..!

يكفيني الماضي الا ضاع
بأسبابك ..