اجيه وتنكسر لاجيت نبته
وأغيب وتنبت الازهار خلفي !!
وأحنّ وكل ماحنيت لمته !!
وأصوم فراق كفاره لعطفي
أكون العاشق اللي عاف بخته
ولا عاشق وعنه الحظ يقفي !!
ولو لي قلب يتحمل حملته
ولكن وين قلبي ووين كتفي !!
أنا ماني بحاجة بعض وقته
أنا محتاج بعضه وقت نزفي
تمنيته يشوف شلون شفته
وكيف لوصله تحديت ظرفي !!
و إنه ماخسرني لو خسرته
ويكون اصدق من احساسي وحلفي !!
او إني مثل من مرّو بصمته
أنا مريت في صوته بعزفي !!
هجرته وإن رضى يكفي هجرته
وإذا عود .. فما لي دمع يكفي
بجيه وتنبت اليّا جيت نبته
وإلامن غبت فالازهار خلفي !!