رمآني حظي بدربك رمآني
وانا من قبل مآشوفك ( اعاني )
اعاني وحشة الغربه بهمي
اداري غصتي بآقصى المعآني
آبد مااشكي ولو الدرب موتي
اموت بعزتي وآقف مكاني
والى من الليالي نآطحتني
نحرت اللي نطح والا رماني
انا ياللي نويت الهجر قلي
وش اللي جاك مني يالاناني
مثل ايوب صبري ماتركني
عطيتك ذروة الهقوه معاني
حسبت ان الوفآء طبعآ بذاتك
واثر طبعك تطبعته عشاني
هقيتك فارقآ عن كل ربعك
حسبتك شيء واثرك شيء ثاني
ضناني منك حسن الوقت كله
سنين طوال مرت بي ثواني
هجرت الناس والعزوه وطبعي
تغير واختلف لاجلك زماني

______________