*
تدري وش صاب / الريـــاض
أمطرت عقبك دموع
والنخيل أعلنت حالة خضوع
شئ فيه من الحزن لمحة ركوع
أمطرت تبكي دموعي
وارتوت كل الشوارع
بعد ما ودّعتها أقسى موادع ..!
تدري وش صاب الجمر
انطفآ وأصبح رماد
عذبه طـاري البعاد
من عرف انك [ مسافـــر ]
أعلنت جمرات حبي حال ممنوع الرقاد
تدري وش صاب الخفوق
فيه بعض آثار شوق
وبه جروح وبه حروق
وبه سوالف لو تروق
وبه نزيف بالحنايا
من فراقك يا هوى قلبي الصدوق ,
من يعوضني وجودك
مين يسقيهـا ورودك
تدري وش صاب الورود
اكتست لون الجفاف
وأعلنت حالة صدود
كنت أبسقيها ولكن
صدها عني يزود
تمتنع مني وتصد
ماتبي غيــركـــ أحد
تدري وش صاب النجوم
اختفت بين الغيوم
عذرها اللي مافهمته
أنها بحالة وجوم
وأنها بعدك تعاني
تسمع آهات وهموم
تدري وش جاني " أنــا "
موت وتعذيب وعنا
فاقدٍ معنـى الهنا
عندي اللحظة سنه
رحت
وضعت من بعدك أنا
هذا في حالة ركوع وذاك في حالة جفاف
وهذي في حالة وجوم
و .. أنــا ..
من يواسيني أنـــا ؟!
