المزن : ننتقد لمجرد النقد , نحطم , ننهي اللاعب ..! بمعنى ان لم تكن معي فأنت ضدي ..!! أولاً : موضوعي مافيه شيء مخالف ابداً علشان يروح للأحمر يالمزن .. ثانياً : طالما أنه يزعجك أننا نقول مطبلين مع أنا ماقلنا لشخص بعينه مطبل كان من الاولى أنك تنظرين من هالمنظور بعين المحايد وماتقولين لنا بعد أننا نحطم وننهي اللاعب وننتقد لمجرد النقد !!!! الشيء الثالث : يابعدي في ردك الأول تقولين ياسر طبيعي وتونا بدايه موسم والان تقولين مرحله الهبوط عاديه لأي لاعب ..! طيب حنا مانقول بس ياسر اللاعب الوحيد اللي هبط مستواه !! حنا نقول نبيك ترجع مثل ماكنت هداف الفريق الأول .. بعدين وين البكائيات وااااه واييييه وايووووه ..!! أتوقع للي يتابع الموضوع زين قلنا أشياء كثيره تثبت وجه نظرنا ومنها أرقام تؤكد لك أن حتى لاعبين الوسط ومن ضمنهم الشلهوب اللي تقولين ماقدر يرجع زي ماكان صار يسجل كثر ياسر مع أختلاف المركزين للأعبين .. ومنها بعد أن المهاجم الأحتياطي اللي مايلعب الا أخر 20 دقيقه في المبارايات صار يسجل في كل مباراه يدخلها وتعادل مع ياسر بنفس الرقم ..! ومنها أن ياسر بعد ماكان يسجل أصعب الأهداف صار الآن يضيع أسهل الفرص وبكميات كبيره أمام المرمى .. كل هالأشياء عندك شيء عادي ..! أتوقع اذا عادي عندكم أن الأحتياطيين يعادلون الأساسيين بالكم مع أختصار كبير للوقت وأن اللاعب بعد ماكان ينهي المباراه من أنصاف الفرص صار يضيع كميات كبيره من الفرص المحققه والسهله فهذا معناته أنكم داخلين ومب راضين تتناقشون ابد في هالمسأله ..! وبعدين كويس أنك تشوفين أنا دعمنا الشلهوب والتمياط وغيرهم .. وحتى ياسر ترى دعمناه كثيييير .. ونقدناهم وبرضو نقدناه ..!! ونبي ندعمه ونبي ننقده .. المسأله مسأله كيف نشوف الأمور بس ..!! وثم اذا مانقدنا ياسر وقت هبوط مستواه متى ننتقده لاأسترد عافيته ..!! اذا الان مر 4 جولات يعني تقريباً الان بنتعدى مرحله بدايه الدوري وبندخل على العميق متى تبون ننقد ..!! لاصرنا بنهايه الموسم ..!! عجيب .. حنا نبيه يراجع حساباته ونبي نعاتبه عتب محبين نصبر لين تطير الطيور بأرزاقها ..! وعلى فكره .. منهم أنا وأمثالي ..؟! أتوقع نقدنا ياسر مثل مانقدناهم وشجعنا ياسر مثل ماشجعناهم .. وبعدين وش المنتديات اللي تعرفين .. يعني حنا وين نكتب ..؟! اذا تعرفين وش طالهم بالمنتديات معناته ممتاز أحنا اللي نكتب .. معناته عاملنا بالمثل .. مع أني أعيد وأكرر .. أكثر أثنين همشوا بالهلال ومسحت أنجازاتهم وأنتم ساكتين هم الشلهوب والتمياط .. ليش أنتم مادعمتوهم طيب مثل الآن ..! برضو .. أرجع أقولك .. حنا ننتقد ياسر مب مجرد نقد حنا عارفين وش نقول وأتكلم عن نفسي وعارفه وش كتبت وأرجع أقول مقالي مايحمل ولاإي شيء يسيء أو يهمش أو يجرح ياسر ..! المقال يتكلم عن فتره معينه يعيشها ياسر الأن .. ماشملت لا المستقبل ولاالماضي ..!! واذا تشوفون أننا ننهي النجوم بنقدنا لهم ففيه ناس تنهي النجوم بالتطبيل والطبطبه وغض البصر .. مسأله أنهاء النجوم ماوصلنا لها يالهلاليييين .. الحمدلله .. نادينا كبير ولاعبينا كبار .. ولما نعاتب واحد منهم فهو يعرف زين مقدار الحب اللي نحمل له والعتب مايجي الا من محبين .. وإلا ليه نكتب ونتعب أنفسنا ونتكلم ..!! عموماً .. سياسه ياسر ترحب بالنقد الهادف ونقدي ماجرحته فيه أبد .. ومثلما تشوفين رأيك منطقي برضو ياعزيزتي أنا أشوف رأيي منطقي ومنطقي جداً .. وأرجع أقول مب ضروري أتبع نفس النهج والأسلوب في النقد علشان أكون منطقيه .. طالما نقدي مامس اللاعب في شخصه ولاجرحه اذن أنا حره فيه .. وترى ماأوهمت أحد ابداً ولاتكلمت عن شخص معين يالمزن ابداً .. كلن له عيون ويقرأ ويشوف وكلن له عقل ويحكمه .. واذا تشوفين كلامي هو أوهام للقارىء بأنكم مطبلين فأنا أشوف كلامك فيه أوهام للقارىء برضو أننا نحطم ياسر .. ومع ذلك أرجع أقولك كلن حر بوجه نظره وأختلافنا في مصلحه ياسر بالنهايه وماجبرت أحد على وجه نظر معينه ابداً .. وأرجع أقول .. سياسه ياسر ترحب بالنقد .. وان شاء الله نشوفه لاعب أسيا وأفضل لاعب أسيوي مره ثانيه .. ويرجع لنا ياسر اللي نعرفه زييين .. وبالأخير : اللي ماعجبه موضوعي ماجبرته يتواجد .. واذا تشوفين يابعدي أنه مايستاهل يأخذ هالحجم .. فترى مب ضروري تعطينه هالجحم اللي أنتي تقولين ..