الكرة لم تعد كرة والاخلاق لم تعد اخلاق ! وانقذو ياسر قبل الغرق (فضفضة خالصه)
بسم الله الرحمن الرحيم
اول شي السلام عليكم
بتكلم عن اكذوبة انخفاض مستوى ياسر فمشكلة ياسر نفسيه اول شي لو ماتوقف إدارة الهلال مع ياسر في محنته فسنفقد نجم مميز ورائع خصوصا ً انه جمهور النصر بدا يتمادى في مقولته المردوده على نفسه حيث انهم اصبحوا يرددون تلك العباره دائما ً وابدا ً بدون حسيب ولا رقيب ولانهم امنين العقوبه فمن امن العقوبه اساء الادب وهذا المثل ينطبق على جمهور النصر حيث انهم واثقين انهم مافي عقوبه تردعهم وتاخذ بحق ياسر
وانا هنا اوجه عتبي على اعضاء شرف النادي ورئيسه ليه ماياخذون حق ياسر ؟؟ اذا رئيسنا ماتحرك واخذ بحقه مين بياخذ بحقه في سالفه ياسر ليس له دخل فيها . . واتهامات متواصله من ناس يريدون التشكيك في ياسر ونزاهة واخلاق ياسر ... انا هنا لااعفي ياسر من هبوط المستوى لكن انت كمشجع ارجع وشوف وش السبب وراء انخفاض مستوى ياسر . . ومع العلم ترا ياسر امس حارب وقاتل في الهجوم والوسط وارجع وشوف شريط المباراه وانت تعرف وش سوى ياسر في اللقاء لكن تخيل انت عزيزي ان اكثر من 10,000 الاف شخص يهتفون ضدك وبذنب انت ماسويته وبتدخل منهم في حياتك الخاصه
وللآسف انها اصبحت لهم اهزوجه رسميه يتدربون عليها مثل ماللهلال يتمرن على ( ياهلال عزك عزنا ) والاهلي يتدرب على ( ياويلو ) والاتحاد يتدرب على ( ياكلك ) . . اصبحت جماهير النصر تتدرب على ( ياسر وينه..... ) و ( قناص ..... ) للآسف وادارة الهلال لم تتحرك . . انا اقول اذا اميرنا عبد الرحمن بن مساعد مع احترامي له واصل في المثاليه فياسر سيعتزل . . فالنفسيه اهم شي . . فانا اللي بكتب الان الموضوع لو ماكانت نفسيتي زينه محا اكتب هالموضوع لذلك انتظرت حتى اروق من بعد مباراة الامس لذلك اقلكم ان النفسيه فوق كل شي . .
وشاهدنا ياسر امس وكيف تسديداته العشوائيه انا ماالومه والله دام ان الجمهور كله ضده وبرضو انا مااعفي ياسر من هبوط المستوى فياسر نجم كبير ويعرف كيف يتعامل مع الجمهور . . لكن اذا كان الكل ضدك فهنا تكمن المشكله . . وتجد اطراف تطلب منك ولا تعطيك . . يعني نحنا جمهور مابيدنا شي ابدا ً ابدا ً الامر كله بيد الاداره واعضاء الشرف نحنا جمهور لو ردينا عليهم بالمثل فسنضر نفسنا ونضر نادينا وننحرم منه او نحرمه من لعبه على ارضه . . لكن لو تحركت الادارة وقدمت شكوى مستعجله لـ اعلى سلطه رياضيه الامير سلطان بتسجيلات مثبته . . فالامر اصبح واضح وصريح ولم يعد تسجيل الصوت وحركاتهم بكمرا جوال بل ان القنوات الفضائيه اصبحت تتعنى وترفع الصوت حينما يرددون اهزوجهتم فانا تابعت اللقاء على ابو ظبي والكثير من الزملاء تابعوها على الارتي وكان واضح اهزوجتهم ياسر وينه ... ؟!!! وكذلك مع الاعلامي بتال القوس في برنامج في المرمى رددو قناص ............. !!! للاسف لم يتحرك احد ساكنا ً فالواجب على ادارة الاتحاد السعودي لو هم صاحين صح يويقفو المباراه لين تهدى العبارات العنصريه فديننا ودسترونا ينبذ العبارات العنصريه . . .
وانا للمره الالف اقول انا لاابرء ساحة ياسر فياسر منخفض مستواه جدا ً ولازلنا واقفين معه لكن كل مهاجم يقدر يتدارك وضعه ولنا في الصويلح مثال حيث كنا نطالب بتنسيقه والان رجع واهتم في نفسه ووزنه اصبح حاسم وحسم لقائين باهداف قاتله . . وهالشي لانه لقى اهتمام من الجهاز الفني وعملوا له مايريحه من ناحية اللياقه ومايناسب جسمه . . فانا هنا اقول ان ياسر يجب على ادارة الهلال انها تتدخل ووتطالب بوقف مثل هاذي الامور حتى يرجع ياسر اللي نعرفه . . فجمهور النصر لم يعد يحسب حساب لادارة ناديه ولا الاتحاد السعودي بكبره . . كل همهم التأثير على اللاعب ونفسيته ومحا نضك على بعض ونقول ياسر ماتاُثر ياسر تأثر وتأثر وشفنا امس عصبيته وستديده العشوائي ونحمد الله انه ماانطرد ياسر امس . . فانا والله بعد سماع تلك العبارات توقعت طرد ياسر لكن نحمد الله انها جات على كذا . . غير ذلك ترا في الفريق اربع مهاجمين . . ليه محد يلومهم هاللوم اللي محطوط على ياسر ؟؟ انا ماطبلت لياسر . وارجعوا وشاهدو مواضيعي فانا عندما ياسر يكون مستواه مرتفع امدحه وعندما يهبط انتقده وعندما يكون في حاجتنا اوقف معه . . انا منذ زمن طويل لم اكتب لياسر لانه عارف وش له ووش عليه لكن الان كتبت لكي اوضح وجهة نظري ولكي يوصل صوتنا كجمهور عاشق لياسر لـ إدارة النادي . . كم من لاعب صدرت ضده اشاعات وقدرت ادارة ناديه بالرد بخطابات وقدرّت لاعبينها ووقفت معاهم . . لكن ادارتنا لا . . انا هنا لااهاجم الاداره واقدرها واعزها . . لكن ايضا ً احب ياسر وهو ثروه وطنية . . .
فلو ماتداركنا الامر وقامت الاداره بالتعاون مع الاتحاد السعودي في القضاء على تلك الظاهره في مدرجاتهم فسوف نخسر ياسر لانه ليس بالقليل عندما يردد عشره الاف شي عليك ويمسك ويمس شخصيتك . . فياسر قبل ان يكون لاعب فهو شاب وهو انسان له مشاعر واحاسيس !!!
ختاما ً اتمنى ان اكون وضحت وجهة نظري وان اكون وفقت في نقدي واتمنى من كل واحد له راي يطرحه بصراحه وانا مستعد للنقاش في مصلحة ياسر واختلاف الرأي لايفسد للود قضيه !
كل الشكر
بندر
|