يا بحر .. وش فيك غيري تــأخذ همومه وآنـــــا تزود لـي همومي وآلامــي يا بحر .. ليش الأماني شبه معدومـه إن جيت أمـدّ الخطاء تتراجف أقدامي يا بحر .. هذا زماني شــانت علومــه لا قلت جــرحي برى أصبح بعد دامـي يا بحر .. قلبي رضي حظه ومقسومـه دنيا قست لـين ضاعت منّي أحلامـي ما شفت يا بحر نفسي كيف محرومـه أصدر عن المنهل الصافي وأنا ضامـي هذي أمانـيَّ و الأقــدار محتومـــه و الجفن بين الــــرجاء والخوف ما نامــي