( يمّه ) عسى شَرّك يزول و تطيبين
.....................تقضين عمرك فـي صـلاة وعبـادة
و إلى لفيتـك زائـرٍ لـي تقوميـن
.......................تستقبلينـي فـي حنـان وسـعـادة
يضمني صدرك و تدمع لـك العيـن
.....................يطيـح فـوق الكـفّ يعـلـن وداده
( يمّه ) فداك العمر وش بك تونّيـن
..................( يا يمه ) عقبك عايشيـن بنكـادة
( يمّه ) يِتلّ الروح يوم أنتِ تبكيـن
...................تَلّة طيـور القـصّ لحظـة هـداده
( يمّه ) فداك الكون و الناس تكفيـن
.................ما ودي أسمـع مـا اتحمّـل زيـادة
ردّي علي ( يا يمه ) وش بك نسيتين
................ردّي عليّ مـا عـاد فينـي جَـلادة
ردّي عليّ ( يا يمه ) أو ما عرفتيـن
..............( يمّه ) ذبحنـي ضمّتـك للوسـادة
( يمّه ) بَدَت بالصبر ثـورة براكيـن
.................تفجـرت أحـزان هــمّ و لـهـادة
و من الحزن ذبلت زهور البساتيـن
..........ورد الهدا ( يا يمه ) أعلـن حـداده
دكتور خذ قلبي و كبدي مـع العيـن
..........عطهن دفا عمر العمر هـي مـراده
رمز الوفاء و التضحية أمـي منيـن
..........ألقى ربع ربع الربع مـن جهـاده ؟
يا الله عسـاي أردّ لـه أول الديـن
..........يَفـداه قلبـي و الجـوارح قِــلاده
يا الله يا مِنْـزِل تبـارك و ياسيـن
...باسمك نطق عيسى و هو في امهاده
تشافِـي أمـي أم كـل المساكـيـن
.......اللي لهـا بالطيـب طبـعٍ و عـادة
